Янъыларда Сургут каласынынъ орталык
майданында «Соцветие» йылсайынлык мил-
летлер маданиятынынъ фестивали йогары
аьлде уйгынланып озды. Бу йылгы фестиваль
отыз мынънан артык конакларын бир ерге
йыйды эм оьз аьдетлерин коьрсеткен йыр-
ма эки миллет ямагатлары уьшин кенъ май-
дан болды. Шатлыклы шара Россия халклары-
нынъ бирлесуьв эм Юграда яс аьеллер йылына
багысланып озды.
Йырлавшылардынъ эм маданият коллек-
тивлерининъ катнасувы ман туьзилген кон-
церт программа туьрли маданиятларынынъ
коьп яклы экенин ашык этип коьрсетти. Фести-
валь катнасувшыларынынъ сол куьн Сургут
каласында яшайтаган туьрли миллетлер кий-
имлерининъ ярасыклыгы, халк саз алатлары-
нынъ занъыравы, миллет ашханалары, аьвел-
гиде уьйшиликте кулланган кол усталыгы ман
ювык таныспага амаллары болдылар. Аьдетин-
ше, байрамда туьрли кепте писирилген оьтпек
выставкасы эм сатув ярмалыгы да оьтти.
Сол куьн байрам катнасувшылары Сургут каласында яшап келген ногай миллетимиз акында да билимлерин байыттылар.
Сургут каласындагы Ногай яслар союзынынъ агзалары ман аьзирленген ярык програм-
масы да коьплердинъ юрегин бийлеп алды.
Сол шарада ногай миллетининъ майданында йыйылган конакларга ногай халкымыздынъ аьдетлери, маданияты, бай ашханасы ман да ювык таныспага амал болды. Каравшылардынъ боьтен де талаплы ногай йырлавшылары
Насият Муслимова эм Узаир Наймановтынъ ногай халкынынъ акында йырларын оьнерли йырлавы да коьнъиллерин коьтерди. Ногай
миллет майданында конак болганлар халкымыздынъ туьрли даьмли зияпетлериннен таттылар.
Сол куьн Сургут кала администрациясынынъ ваькиллерининъ де ногайлардынъ конаксуьерлигин сезбеге, халкымыздынъ бай тарихиннен коьп кызыклы хабарлар эситип, маданиятымыз эм аьдетлеримиз акында оьз билимлерин оьстирмеге амаллары болдылар.
Соьйтип, сол «Соцветие» фестивали алыс сырт ягында яшайтаган туьрли халкларын
бирлестируьв эм олардынъ арасында дослыкты беркитуьв ниетте, йыл сайын бирге йыйган
коьпир болып келеди. 

Г.Нурдинова.

Суьвретте: Сургут каласында.