Ногай драмалык патшалык
театры Дагестан Республика-
сынынъ ат казанган артисти
Гульфия Кокоевадынъ етекшилеви астында быйыл навруз айында белгили ногай бийкеси акында «Суюмбике. Шоьл кызы» деп аталган спектакль коьрсетти. Пьесадынъ авторы эм режиссеры – Казань
каласыннан Булат Минкин,
онынъ яратувшылык аьрекети туьрли яклы деп айтпага
боламыз. Талаплы режиссер-
постановщик бу йол Борис
Васильевтинъ белгили «Танълар мунда тынык» повести
бойынша ногай актерлары ман
спектакль салды. Терекли-
Мектеб авылында спектакльдинъ премьерасы озды. Бас баьтири Федот Васков оьз согыс сулыбына, аьдемшилигине карамастан, куьллелерден каты касиетли Осянинады, аьрзекер Женькады, солай ок Лиза Бричкинады, Галя Четвертакты, Соня Гурвичти саклап болмады. Сол кайгылы оьзгерислер кара азаплык болып старшинадынъ юрегин ягады. Ашувдан кетпестей суьймевликке айланган ой эр кисиге олардынъ артында уллы Россия турганын сездиреди. Явлар ман согысканда, ол кышкырады, йылайды, сонъ аьлсиз болып йыгылады. Ол оьзининъ эрклигин, намысы канлы согыска карсы салады.
Спектакльде тынышлы
заман коьрсетилген, 1946-ншы
йыл. Васков тагы да бир кере
согыстынъ кара куьнлерин
оьзиннен оьткереди. Ол кыз-
лар ман бирге тагы да оьледи.
Бес кызды спектакльде Кувыр-
шак ойнайды. Спектакльди
караган аьр бир каравшы сах-
нада коьрсетилген янъылык-
ты оьзинше анълады. Меним
ойыма коьре, актерлар режис-
сер салган борышты толтырдылар. Старшина Васковты Ногай театрынынъ талаплы актеры Мурат Аджимуллаев ойнады. Исмаил Бальгишиев эм Райганат Суюндикова сахнада Кувыршакты коьрсеттилер. Сол борышты актерлар
яваплылык пан толтырганын
белгилев керек.
«Танълар мунда тынык»
повести ногай тилинде эсити-
линди. Мен, пьесады коьши-
руьвши болып, айтпага суье-
мен – пьесада Васковтынъ
юрекке тийген яшавдынъ,
орманнынъ акында монологла-
ры бар. Бу ерде мен орманды
айырым персонаж этип коьр-
дим, неге десе ол туьрленген
эм баскалар ман бирге кан-
лы согысты оьткен. Спектакль баьримиздинъ янымызга тийди деп айтсам, оьтирик болмас. Кашан да, каравшылардынъ ойлары баскаланмай болмас, тек бир затты айтпага боламыз – Ногай драмалык патшалык театры сахнада янъыша ойнады, ол кайбиримизге де ойланмага амал берди.
Васков кызларды коршалап
болмаганына кыйланады, бол-
са да спектакльдинъ ызында
сахнага шыккан кеде Альберт
кайбиримизге де сеним береди
– согыстынъ яралары битер,
старшина кайгылы куьнлер-
ди мутпаса да, яшамага куьш
табар, неге десе янъы несил
кара кавгадынъ кайгыларын
коьрмеге керек тувыл. Танълар
дайым да тынык болса экен.
Спектакльдинъ суьвретши-
постановщиги, ДР ат казанган
маданият куллыкшысы Юнус
Сабутовтынъ эткен исин бел-
гилемеге керекли. Сахнадагы
декорациялар бизди узакта-
гы согыстан сонъгы йылларга
аькетти.
Оьз ойлары ман спектакль-
динъ премьерасыннан сонъ
Нарбике Муталлапова, Саби-
рат Абубекерова, Бекмурза
Кудайбердиев боьлистилер.
Булат Минкин каравшылар-
дынъ соравларына яваплады.
Мен театр куллыкшыларын
спектакльдинъ премьерасы
ман кутлайман. Спектакльге
белгили театраллык ислердинъ
сырасына киргенин, ногай теа-
трына янъы яратувшылык про-
ектлер йорайман.
Г.Бекмуратова.

Суьвретте: спектакльден коьринис.