Йыл сайын Карашай-Шеркеш
Республикасынынъ окувшылардынъ ял алувы Эркин-Шахар поселогындагы аграрлы-технологиялык колледжинде «Шахар» деп аталган язгы лагерь аьрекетлейди. Аьдетинше, янъ-
ыларда лагерь оьз куллыгын баслады.
Колледждинъ куллыкшылары Наталья Семенюта, Светлана Джемакулова окувшылардынъ ял алув аьр куьнин
кызыклы эм пайдалы этпеге шалысадылар.
Куьн сайын аграрлы-технологиялык колледждинъ студентлери коьп кызыклы йолыгысларда, шараларда
катнасадылар.
Янъыларда балалар уьшин баспаланатаган «Маьметекей» республикалык адабият-суьвретлев журналынынъ
бас редакторы, Россия Журналистлер эм Язувшылар союзларынынъ агзасы Асан Найманов пан йылы йолыгыс озгардылар. Шаир окувшылар-
га «Маьметекей» журналдынъ оьткен тарихлик йолы, тувган тилди саклав бойынша яшавга эндиретаган проектлери акында кызыклы хабарлап эситтирди.
Сондай болып, Асан Аждаут увылы оьз яратувшылыгы акында да хабарлай келип, ятлавларын окып эситтирди эм Элимиздинъ бас каласы Москвада Кызыл майданда озган он экинши Китаплер фестивалинде, сонынъ эса-
бында «Ногайлар» деп аталган китаптинъ презентациясында катнасканы акында да айтып билдирди.
 Суьвретте:  шарадан коьринис.