Полиция тамада сержанты Динислам Мураддинович Аджигайтаров (суьвретте), яс бала болып, бу аьрекеттинъ иеси болган кисидинъ кеспи борышлары тыныш тувыл экенин коьрген. Ол – атасынынъ йолын ызлап, бу кеспиди сайлаган аьдем. Динислам РОВД-да автокоьлик айдавшыдынъ ис аьрекетин бардырады. Тармак етекшилерининъ соьзлери мен, ис йолдаслары ишинде – ийгилер санында эм аьр кайсы борышын да яваплы толтыратаган куллыкшы. Динисламнынъ автокоьлигининъ тезлигиннен себепли болады кыянатлыктынъ алдын шалув болжалы да. Ол соны бек ийги анълайды, керек ерде берк яваплылыкты тутып, карарды да алып болады. Ол, ис сулыбы бай куллыкшылар санында болмаса да, оьзин ийги специалист этип коьрсетип келеди. Алдыда яс куллыкшыдынъ сулыбы да байыр, оьзи де кесписи бойынша йогары коьтерилер. Сога шайыт биз де болармыз…