Дагестан Республикасынынъ сайлавлар комитети билдиргеннен: регионымызда Государстволык Думасына депутатларды сайлавда «Единая Россия» партиясы сайлавшылардан 92,22 процент алган. Онынъ артыннан «Справедливая Россия» партиясы – 2,69 процент, КПРФ –2,45 процент, ЛДПР – 1,45 процент, «Новые люди» – 0,37 процент, коммунистическая партия «Коммунисты России» – 0,13 процент, «Российская партия пенсионеров за социальную справедливость» – 0,11процент, «Родина» – 0,11процент, «Зеленые» – 0,11процент эм «Партия прямой демократии» – 0,08 процент сайлавшылардан алганлар. Баьриси Дагестан Республикамызда Государстволык Думасына депутатларды сайлавларда сайлавшылардынъ 91,69 проценти ортакшылык эткенлер. А Дагестан Республикасынынъ Халк йыйынына депутатларды сайлавларда тийисли сайлавшылардынъ 91,57 проценти оьз тавысын берген, олар элдинъ, яшаган еримиздинъ келеектегисине ушкары карамайтаганын коьрсеткенлер. Бу оьткен сайлавлардынъ тамамлары бойынша Дагестан парламентининъ сегизинши шакырувына уьш партия кетеди: «Единая Россия» – 74%, оларга 69 мандат бериледи, «Справедливая Россия в РД» – 11,99%, 11 мандат бериледи эм КПРФ – 10,99%, 10 мандат бериледи. – Бу йылгы сайлавлар ямагатполитикалык аьллер бойынша тийисли йорыкларды бузгышлавсыз оьтти, баьри ерлерде де сайлавлар законодательствосынынъ тийисли шартлары тутылганлар, Дагестан Республикасынынъ Сайлавлар комиссиясына участокларда йорыклар бузылув акында шагынувлар болмаганлар, – деп билдирилди регион Избиркомыннан.