Янъыларда Россия Президенти Владимир Путиннинъ Дагестан етекшисининъ куллыгын кесек заманга юритуьвши Федор Щукин мен йолыгысы болып озды. Сол йолыгыс акында оьз ойлары ман ДР цифровой оьрленуьв, информация эм баспа министрининъ куллыгын кесек заманга юритуьвши Юрий Гамзатов боьлисти.
Онынъ айтувы ман, бу йолыгыста буьгуьнде республика алдында турган бас соравларды тагы да энъ йогары дережеде белгилемеге эп болды.
– Йолыгыста ортага салынып ойласылган соравлардынъ аьр бириси аян борышлар, эм, энъ маьнелиси, Дагестан яшавшыларынынъ кызыксынувлары ман байланыслы. Сонынъ уьшин бизим бас мырадымыз – олардынъ ызлы-ызыннан шешилуьвин канагатлав эм басланган куллыкты аян сырагыларга дейим еткеруьв.
Йолыгыс барысында СВО катнасувшыларды, ветеранларды эм олардынъ аьеллер агзаларын колтыклав соравлары каралды. Бу яктан бизим министерство керекли цифровой инфраструктурасын туьзген: «Госуслуги» порталында 27 региональлик колтыклав шаралар ман пайдаланмага болады, патшалык ягыннан, яшав аьли туьрленсе ок, кайдай яклав льготалар тийисли экени акында билдируьв аьрекети белсенли юритиледи, а гражданлардынъ аьризелери тез ок каралув уьшин «Коршалавшылар» платформасы куллык этеди. Ога толтырувшы властининъ 30 органлары эм 52 муниципалитетлер киргистилген, эм 2026-ншы йылдынъ тек биринши ярым йылы ишинде онда 747 аьризелер регистрацияланган. Косымша алаты эсабында болды МАХ мессенджердеги чат-бот.
Йолыгыстынъ тагы да маьнели темасы – республикада ава шартлары ман байланыста болган баьле-казадынъ калдыклары эм яшавшыларга коьмек этуьв. Сол болжалда заяланган инфраструктурады кайтадан тургызув бойынша тийисли куллыклар озгарылды: авариялык бригадалар ВОЛС (волоконно-оптические линии связи) уьзилген ерлерин ясаганлар, а электроэнергияды тымгызувда негизли станциялардынъ аьрекетин канагатлав уьшин дизель-генераторлык алатлар кулланылган. Бир ок заман МФЦ-дынъ керек ерге баратаган офислер эм «Горячая линия» аркасы ман кыйынлы аьлге туьскенлерге документлерди кайтадан тургызувга эм колтыклав шараларды кеплемеге ярдамласканлар, аьдемлерге кесек заманга ерлескен еринде интернет пен эм электронлы патшалык буйымлар ман пайдаланмага эп туьзилген.
Буьгуьнде республика алдында коьп маьнели борышлар турады, эм аьрисин шешуьв уьшин савлай командадынъ бир ниетке куллык этуьвин канагатлав керек. Федераллык орталыгы ягыннан яклав аркасы ман биз белгилеген планларды яшавга шыгарып эм Дагестанды аьдемлердинъ яшавы эм оьрленуьви уьшин онъайлы этип болаягымызда