Дагестан Республикасы бойынша «Россия авыл хозяйстволык орталыгы» ФГБУ филиалы Ставрополь крайыннан коллегалары ман биргелесте кыслайтаган шегертки зыяншылар барлыгы тергелди. Тергевлер япсар ерлерде, сонынъ ишинде Ногай районы бойынша, 3 мынъ 200 гектар майданда юритилди. Озгарылган куллыклар сырагылары бойынша келеек йылда зыяншылар яйылмага болама яде болмайма деген ой-токтас кепленеди, солай ок кыслайтаган зыяншылардынъ барлыгын белгилейтаган карта туьзиледи. Бу билдируьвлер куьни бурын коршаланув шараларды планламага эм зыяншылардынъ яйылув кавыфсызлыгына заманында эс каратпага амал береди. Япсар ерлерди биргелес тергев кыслайтаган шегертки зыяншылар барлыгы бойынша толы суьврет алувга эп береди эм эки регионда да юритилетаган куллыклардынъ пайдалыгын арттырады.