Озган уллы юма куьн «Ногайский район» МО администрациясында район Ясуьйкенлер советининъ йыйыны болып оьтти.
Йыйында «Ногайский район» МО администрациясындагы Ясуьйкенлер советининъ председатели Рашидхан Мурзагишиев, район авылларындагы Ясуьйкенлер советлерининъ етекшилери эм агзалары, «Ногайский район» МО администрациясынынъ аькимбасы Мухтарбий Аджеков, район Депутатлар Йыйынынынъ председатели Руслан Насыров, район депутатлары, авыл муниципалитетлерининъ аькимбаслары, бир неше район организациялар эм учреждениелерининъ етекшилери катнастылар. 

Эстеликли куьн__________ 

Йыл сайын Россияда 3-нши декабрьде, элимизде эм онынъ кырында согысларда ян берген россия эм совет аьскершилеримизди эскерип, Белгисиз аьскерши куьни белгиленеди. 
1966-ншы йыл 3-нши декабрьде Москва каласынынъ туьбинде фашист аьскерлерди бузгыншылавынынъ 25 йыллыгын белгилеп, кардаш камырыннан белгисиз аьскершидинъ мейити шыгарылган эм шатлыклы аьлде Кремль туьбинде койылган. 
Белгисиз аьскершилер куьнине багысланып, туьрли эстеликли шаралар озгарылады. Кардаш камырларга гуьл байламлар салып, мектеблерде йигитлик дерислер озгарып, окытувшылар эм окувшылар бизге тынышлык аькелуьв уьшин ян берген баьтирлерге сый этедилер.

Аьлиги заман бир кужыр заман болып калды. Бир-биримизге бармаймыз, баьри соравлар да телефон ман шешиледи. Бир-биримизди коьрмеге суьйсек, видеозвонок та бар. Сол да яман болмас эди, ама боладылар сондай аьдемлер, ким Интернетти оьз пайдасына кулланадылар.

3-нши декабрьде, Халклар ара сакатлар куьнинде Терекли-Мектеб авылындагы «Алмаз» банкет залында «Ногайский район» МО администрациясы эм Ногай район бойынша «Инсан» саваплык фонды ман биргелес уйгынланып «Ер маьлиеклери» проекти бойынша саваплык шара озгарылаяк. 
Белгиленген шарага авыл поселениелер аькимбаслары, организациялар етекшилери, предпринимательлер, районымыздынъ 16 школасынынъ тербиялав бойынша етекшилерининъ орынбасарлары эм шара иелери – 100-ге ювык коьмек керексинген сакат балалар шакырылган. Мунда белгиленген 16 школалардан командалар ортакшылык этип, оьз оьнерлерин коьрсетееклер, сакат балаларга сыпыралар курылаяк. 
Бу куьнлерде коьп аьдемлер, туьрли организациялар куллыкшылары шеттен карап турмай, ер маьлиеклерине авырувларыннан эмленмеге коьмек этуьв ниет пен, Ногай районы бойынша «Инсан» саваплык фондына акша элтейдилер. Сосы куллыклар «Инсаннынъ» етекшиси А.Атангуловтынъ куьш салувы ман барадылар. Сакат балаларга коьмек этпеге аваслыгы болган аьдемлерди «Инсан» саваплык фонды куьтеди. Йыйылган амаллар йогарыда белгиленген шара озгарылувында кулланылаяк эм сакат балаларга эмленмеге берилеек. 
Н. Эрежепова.

Оьткен юма «Ногайский район» МО администрациясында «Ногайский район» МР Депутатлар Йыйынынынъ кезекли сессиясы болып озды.
Сессияда «Ногайский район» МР Депутатлар Йыйынынынъ председатели Руслан Насыров, «Ногайский район» МО администрациясынынъ аькимбасы Мухтарбий Аджеков, район депутатлары, авыл поселение аькимбаслары, ямагат организациялар эм партиялардынъ ерли боьликлерининъ ваькиллери ортакшылык эттилер.

"Аталыгым - Дагестан" проектининъ 10-ншы телеберуьви https://youtu.be/mYVVeCOgops

Газетамызда билдирилгенлей, быйылдынъ 24-нши октябринде Дагестан Республикасынынъ Халк Йыйынынынъ Председателининъ куллыгын юритуьвши Хизри Шихсаидовтынъ етекшилиги мен оьткерилген кенъесте Ногай район ямагаты коьтеретаган бир неше социал-экономикалык соравлары ойласылган эди. Соны ман байланыста янъыларда ДР экономика эм территориаллык оьрленуьв министерствосы тоьмендеги явапларын берген.