Запись
05.02.201805.02.2018Новости, Образование

Алдышылыкты алып келеди

автор

Индира Янакаева коьзге туьсетаган, оьзининъ терен билимин коьрсетип, соьйлеви мен аьдемди оьзине тартып, кызыксындырып болатаган окувшы. 

Индира Зекерья кызы Янакаева коьп республикалык, район эм оьзининъ тувган авыл орта школасында озгарылатаган шараларда катнасып, алдышы орынларды алып келеди. Янъыларда да Индира зональный кезегинде озгарылган Брейн-ринг ойынында катнасты, ол ортакшылык эткен куьп уьшинши савгалы орынга тийисли болган. Мунда авылдас районлардынъ балалары оьз куьплери мен катнастылар. 

Индира куьннен-куьнге оьз билимин теренлетип турады. Ога баьри зат та кызыклы. Ол оьз куьшин ДР бойынша озгарылатаган «Умники и умницы» деген интеллектуальлик ойынында да сынап келеди. Буьгуьнлерде ол соннан уьш медаль алып келген. Индира – ата-анасынынъ, Орта-Тоьбе авыл орта школасынынъ сеними эм диреги. 

Г. Сагиндикова. 

Запись
05.02.201805.02.2018Новости, Общество

Йоллар, йоллар…

автор

Бу юмадагы «Ногайский район» МО администрациясынынъ аппарат йыйынында район йол-кулланув предприятиесининъ 2016-2017-нши йыллардагы финанс-хозяйстволык аьрекети ойласылды. Куьн йосыгына шыгарылган сорав бойынша «Ногайское ДЭП-29» ОАО начальниги Солтан Валиев шыгып соьйледи.

Запись
05.02.201805.02.2018Новости, Политика

Шакырув

автор

ДР Ногай районынынъ ямагат организацияларынынъ район сайлавшыларына каратылган ШАКЫРУВЫ

Ногай районынынъ сыйлы сайлавшылары!

2018-нши йылдынъ 18-нши мартында бизге Россия Федерациясынынъ Конституциясынынъ 81-нши статьясы эм баска федераллык законодательлик актлары ман келисли кепте ясыртын тавыслав ман ортак тенъ эм тувра сайлав ыхтыяры негизинде алты йыллык ис болжалы ман Россия Федерациясынынъ Президентин сайламага керек болады.

Запись
05.02.201805.02.2018Новости, Образование

Меним суьйикли биринши окытувшым

автор

Биринши окытувшы! Ким оны суьйип эсинде сакламайды? Онынъ биринши дериси, биринши белгиси, биринши берген ятлавы. Онынъ орыны бек маьнели аьдемнинъ юрегинде, ойында, яшав йолды сайлавда демеге де болады. Солай ок Кадрия атындагы школасынынъ баслангыш классларынынъ окытувшысы Нурбике Оразманбетовна Кельдасовадынъ биринши окытувшысына каратылган суьйими эм сыйы кеспи сайлавына себеплик эткен. Онынъ биринши окытувшысынынъ аты да, атасынынъ аты да оьзиндикине келисли – Нур Оразманбетовна болган эм кызалак тептерине оьзининъ атынынъ орынына окытувшысынынъ атын язатаган болган…

Запись
29.01.201829.01.2018Интервью, Новости

Ногай шоьлде оьзимди уьйимдедей сеземен

автор

Хабарласув__________________

Янъыларда Карашай-Шеркеш Республикасынынъ Ногай районынынъ аькимбасы Энвер Керейтов пан хабаршымыз Эмир Отевалиев коьрисип, тоьмендеги соравларга яваплар алды. Сол хабарласувды тоьменде беремиз. 

Запись
29.01.201829.01.2018Новости, Общество

Тувган ери оьзине тартады

автор

Оьз  кесписининъ  устасы__________

Буьгуьнлерде ногай ясларымыздынъ оьзлери сайлаган кеспилери бойынша элимиздинъ туьрли муьйислеринде аьрекет этип, сыйы-абырайы болувы кайсы ногайдынъ да юрегинде оьктемлик тувдырмай болмайды. Сол яслардынъ бириси болады ногай йигитимиз Аслан Казмуханбет увылы Эспергенов. Ол Казмуханбет эм Фаризат Эспергеновлардынъ татым аьелинде тувган. 

Запись
29.01.201829.01.2018Новости

Уьндирикте – янъы китап

автор

Белгили ногай язувшысы Иса Суюнович Капаевтинъ «Ян кылыш» «Меч судьбы» деген китаби дуныя ярыгын коьрди. Китап автор ман толтырылып, эм толы кепте исленип, эки тарих тергевлериннен туьзилген.

Запись
29.01.201829.01.2018Новости

Балалар уьшин завыклы

автор

Янъыларда Савлайроссиялык турне бойынша Терекли-Мектеб авылындагы халк яратувшылыгынынъ эм маданият оьрленуьвининъ орталыгында Сочи каласыннан цирк артистлери  балаларга оьз оьнерлерин коьрсеттилер.

Запись
29.01.201829.01.2018Здравоохранение, Новости

Коьнъил мен де, дарман ман да

автор

Бизге район эмленуьв уьйининъ терапия боьлигинде эмленмеге туьсти. Боьликтинъ заведующийи Динара Аккишиева бизди ашык коьнъили мен йолыгып, авырувымыздынъ себебин де тавып, тийисли дарманлар язды. Бу куллыклардынъ баьрисин де ол йогары  кеспи усталык дережесинде озгарды деп айтпага болады. Биз сав болганша да боьлик заведующийи Д.Аккишиева да, медсестралар да, баьриси де авырувлыларга коьнъиллерин берип карап, оларга ак юрегиннен коьмек этпеге шалысатаганлары аян коьринип турды. Боьликте болган  заман ишинде биз ийги соьз бен де, ийги карав ман да, тийисли дарманлар ман да эмленип, коьнъилимиз коьтерилип, юрегимиз разылыкка толып, исимизге шыкпага аьзирлендик. 

Боьликтинъ аьр бир куллыкшысы оьз еринде ийги ислейди, аьр кайсысы да куллыкларын биледи. Сол тувыл ма экен деп ойлаймыз аьдемнинъ эмленуьвининъ, сав болувынынъ негизи.

А. КАРАЕВ.

М. КОЖАЕВ.

Запись
29.01.201829.01.2018Новости, Спорт

Уьстинлиги суьйинтеди

автор

Ийги яшав кебин бардырув пайдалы болмаса, зарарлы тувыл. Онынъ бир амалы – спорт пан каьр шегуьв. Спорт аьдемнинъ юрис-турысын, ден савлыгын беркитуьвде оьз себеплигин этеди, яшав оьмирин де созады.

Калинин авыл мектебининъ 9-ншы класс окувшысы Алимурат Алиев спорт пан аьвлигеди, онынъ етискен уьстинликлерин де белгилемеге болады.  Тренери Динислам Сабанали увылы Кельдасов, бизим йигитти билгенине уьйреткен. Алимурат спорттынъ тайский бокс кеби мен куьшли аьвликсе де, ога кикбоксинг те таныс болмай калмады. Янъыларда ол, Москва каласында базласларда ортакшылык этип, биринши орынга тийисли болды, кубок эм медаль мен савгаланды. Биз, окытувшылар, окувшымыз оьз оьнерин коьрсетип, элимиздинъ бас каласындагы базласларда 1-нши орынды бийлегенине суьйинемиз эм оьктемсиймиз. Ога коьп кыйын салган тренери Сабанали Кельдасов увылына коьп савбол айтамыз. Алимуратка болса алдыда ашык йоллар эм уьстинликлер йораймыз.

Г. Янгазиева, окытувшы.

Свежий номер

Шоьл тавысы №17 06.05.2025г.