Шатлыклы шара _________________________
Оьткен юма сонъгы куьн Червленные Буруны авылында янъы маданият уьйининъ ашылувына багысланган байрам болып озды. Аьлиги заманларга баьри келисли шартлары болган маданият уьйи буьгуьн конакларга оьз эсиклерин кенъге яйып ашты. Бу меканда китапхана, спортзал, шомылмага болатаган кабиналар эм балаларга айырым боьлме ерлестирилген.
Мереке ____________________
Янъыларда Р.Гамзатов атындагы ДР Миллет китапханасында илми-практикалык конференция озгарылды. Белгиленген шара «Танг-Чолпан» ямагат-политикалык эм адабиат журналынынъ 100 йыллыгына эм белгили кумык шаири, прозаик, драматург, ямагат-политикалык аьрекетши З.Батырмурзаев тувганлы 120 йыл толувына багысланды. Конференциядынъ уйгынлавшылары – ДГПУ-дынъ профессоры, филология илмилерининъ докторы З.Акавов эм «Танг-Чолпан» журналынынъ редакторы С.Мамаева.
Оьрметли Казмагомед Зейнадинович!
Россия ногайларынынъ Федераллык миллет-маданият автономиясынынъ Оьр Совети Сизди 60 йыллыгынъыз бан кутлайды!
Сиз совхоз исшисиннен алып Дагестан Республикасынынъ министрининъ орынбасарына дейим уьйкен эм уьстинликли ис йолын оьткенсиз. Ногай район аькимбасы болып хыйлы йыллар аьрекет этип, Сиз районнынъ социал-экономикалык эм маданият оьрленуьвине оьлшемсиз уьйкен косымынъызды эткенсиз. Сиз етекшилик эткен йылларда районда авыл хозяйство производствосын беркитуьв бойынша заьлимдей куллыклар этилинген, патшалык ногай драма театры туьзилген, районда школалар, район больницадынъ янъы меканлары курылган. Сиз, соны ман бирге, район авылларын газификациялавга да коьп кыйынынъызды салгансыз. Россия ногайларынынъ Федераллык миллет-маданият автономиясын туьзуьвде Сизинъ эткен исинъиз оьлшемсиз бек уьйкен.
Россия ногайларынынъ ФНКА Оьр Совети Сизди сыйлы мерекенъиз бен кутлайды, Сизге эндиги де берк ден савлыкты, ногай халкынынъ пайдасы уьшин ис аьрекетинъизде коьп илгери етимислерди йорайды.
Россия ногайларынынъ ФНКА Оьр Совети.
Форум_________________________
Экинши Савлайроссиялык «Туьрклер алтыны» яслар форумы янъыларда Татарстан Республикасында оьтти. Онынъ уйгынлавшылары Миллетлер ислери бойынша федераллык агентство (Россиядынъ ФАДН) эм Татарстан Республикасынынъ Оькимети. Форум Россиядынъ 15 регионыннан 190 яс катнасувшыларды йыйды. Фестиваль уьш куьн узагына созылды. Дагестан Республикасын форумда онынъ регионаллык кезегининъ енъуьвшилери – А.Асанов атындагы Нариман авыл эм А.Джанибеков атындагы мектеблерининъ окытувшылары Насипхан Джумаева эм Арслан Бакиев ваькилледилер.
Министерство печати и информации Республики Дагестан, при поддержке Национального антитеррористического комитета России со 2 по 3 ноября 2017 года в Республике Дагестан проводит IV Межрегиональную научно-практическую конференцию «Идеология терроризма: пропаганда и контрпропаганда. Современные вызовы».
Биз дайым да суьйинемиз бизим авылдаслар, ердеслер, районымыздан баска якка кетип ислеп, ногайымыздынъ атын тоьмен туьсирмей, оьз куллыгын тийисли дережеде бардырып, мактавга тийисли болса. Сондайлардынъ бириси – Терекли-Мектеб авыл яшавшысы Райме Умархан кызы Картакаева.
Янъыларда эслилердинъ куьнине багысланып, КЦСОН-нынъ Ясуьйкенлерди эм сакатларды уьйлеринде социаллык яктан канагатлав бойынша боьлиги мен уйгынланып, «Рандеву» кафесинде куванышлы шара озгарылды. Мунда боьликте канагатланатаган 102 ясуьйкен шакырылды. Кешликти КЦСОН ГБУ-дынъ етекшиси Гульфира Капитуллаева ашты. Ол йыйылган ясуьйкенлерди хошлап алды эм йылы йоравларын айтты:
Ногайымыздынъ атын айтыратаганлар
Расул Сеитов – ногай халкынынъ билбил кусы, таьвесилмес оьнер булагы. Ол Кудайдан берилген оьнери мен, яратувшылыгы ман тек Карашай-Шеркеш Республикасында тувыл, онынъ тысында да таныс болып келген. Онынъ яратувшылыгында ногай халкы айырым орынды тутып келген.
