Дагестанда Россия халклар Бирлигининъ йылын озгарув бойынша республикалык уйгынлав комитети туьзилген. Оны туьзуьв акында токтаска Сергей Меликов кол баскан. Комитет сырасына власть органлар эм ямагат организациялар ваькиллери киргенлер. Бу юма ишинде Дагестан Аькимбасы уйгынлав комитетининъ биринши кенъесин озгараяк. Онда республикамыздынъ баьри калаларында эм районларында озгарылаяк шаралар планы ортага салынып ойласылаяк. Белгили болганлай, РФ Президентининъ указы...
Россия Президенти Владимир Путин миллетлер ара катнаслары бойынша Советининъ кенъесинде 2026-ншы йылды Россия халклар Бирлигининъ йылы этип билдируьв акында маслагатты яклады. Сондай токтаска келуьв, оьзек те, анъламлы, неге десе Россиядынъ явлары миллетлер эм динлер ара катнасларды аьлиги туьзилген аьллерди авырлатув мыратта савыт-садак эсабында кулланадылар. Эм сога явап – 2026-2030-ншы йылларга патшалык миллет политикасынынъ янъы Стратегиясы....
Дагестан Республикасынынъ Халк Йыйынынынъ Председатели Заур Аскендеров эм Запорожская областининъ Законодательный Йыйынынынъ председатели Виктор Емельяненко видеобайланыс бойынша ис йолыгысын озгардылар. Бу шара регионлар ара катнасувдынъ аьлиги заманга келисли соравларын ойласувга эм туьрли тармакларда бирге аьрекет этуьвин беркитуьвге каратылган. Дагестан яктан шарада вице-спикер Камил Давдиев, Халк Йыйынынынъ комитетлерининъ етекшилери Фирудин Раджабов, Асият Алиева, Абдулла Магомедов, солай...
Янъыларда Дагестан Республикасынынъ Аькимбасы Сергей Меликов Тенъиз советин туьзуьв акында указын кабыл этип алды. Бу кенъесуьвши орган Каспийде тенъиз аьрекетин онълавга эм онынъ баьри йолларын оьрлентуьвге эс каратпага борышлы. Совет председатели – республика етекшиси Сергей Меликов. Онынъ сырасына региональлик оькиметининъ эм парламентининъ ваькиллери, ыхтыяр саклав органларынынъ эм профильли министерстволар етекшилери, калалар эм районлар етекшилери киргенлер....
Уьстимиздеги йылдынъ канътар айынынъ 23-нши куьнинде Кизляр районынынъ аькимбасы Аким Микиров яраланган сонъ эмленуьвди оьткен согыс спецоперация катнасувшысы Назим Ахмедов пан йолыгысты. Оннан алдын Аким Микиров оьзининъ орынбасары Зарема Агакшиева ман бирге аьскершидинъ уьйинде конакта болып кеттилер. Олар Назим Алиабасовичтынъ коьрсеткен йигитликлерин белгилеви мен, онынъ анасына аьскер боьлигининъ етекшилеви атыннан Разылык хатын тапшырдылар. Йолыгыстынъ барысында...
«Шоьл тавысы» республикалык газетасынынъ аявлы окувшылары! Биз баьримиз бирге янъы 2026-ншы йылга янъы ойлар, мыратлар эм сенимлер мен абыт алдык. Озган йыл да биз оьз окувшыларымыз бан суьйинишли эм кайгылы хабарлар ман боьлистик: районымыздынъ онъайлыгы уьшин куьш салган ясларды эм ясуьйкенлерди, элимиздинъ туьрли калаларында уьстинликлерге етискен ердеслеримизди белгиледик, туьрли шаралар оьткерилуьви эм коьп баска хабарлар...
Аьдем, аьдет, касиет… Бу тек соьзлер тувыл. Аьр кайсысы да кенъ кулланылатаган, маьнеси де бек уьйкен, аьр эситкенди терен ойландыратаган соьзлер боладылар. Аьр кайсысын айырым алып карасак, аьдем оьз бактысында уьйкен йолды оьтеди, кыйынлыклар ман яхшылыкларды басыннан оьткереди, бир ерде дурыс, баска ерде янъылыскан абыт алады. Аьдет, ата-бабаларымыз- дан сакланып, несилден-несилге берилип келеди, бир ерлерде...
Ногай районында, «Балалар террорга карсы» деп аталып, балалар суьвретлерининъ ярысынынъ муниципаллык кезеги тамамланды. Онда район мектеблерининъ окувшылары ортакшыладылар. Шара уйгынлавшылары конкурс катнасувшыларынынъ ясларына коьре эки куьпке боьлдилер: биринши – 5-нши – 7-нши класс окувшылары уьшин эм экинши — 8-нши – 9-ншы класслар окувшылары уьшин. Окувшылар ийги сырагылар коьрсеттилер. Биринши куьп окувшылары арасыннан З.Акмурзаев атындагы Червленные...
Дагестан Республикасынынъ Ногай районында куьн коьзи радиациясын электроэнергияга айландыратаган 60 МВт куватлыгы болган СЭС (солнечная элетростанция) курылысы тамамланады. Бу проект Дагестан Республика Оькимети эм «Юнигрин Энерджи» ООО ара туьзилген келисуьвге коьре яшавга шыгарылады. Ога киритилген инвестициялардынъ оьлшеми 6,7 млрд. маьнет акшага олтырады. Аьлиги заманга генераторлар ман болдырылатаган электроэнергия куватлыгын арттырув уьшин керекли куватлыгы 110 кВ...
Согыс спецоперация басланганнан алып, савлай Россиядынъ, солай болып, Дагестан Республикасынынъ Ногай районынынъ яшавшылары да аьскершилеримизге ярдамласып келедилер. Олар аьскершилеримизге посылкалар йыювда, шилтерлер согувда эм гуманитарлык югин йыювда катнасадылар. Сол этилетаган ийги ислер аьскершилеримизге согыс аьллерин енъиллетпеге эм уьйде оларды енъуьв мен саклайтаганларын эм оларга сенетаганларын сезбеге амал бередилер. Янъы йылдан алдын «Шоьл тавысы» республикалык газетасынынъ...
