Быйыл тувган ягымыз – Сырт Кавказ ерлери немец-фашист баскыншыларыннан 1943-нши йылдынъ яз эм куьз куьнлеринде толы кепте босатылганлы 80 йыл толады. Сырт Кавказ уьшин кавга Уллы Аталык согысынынъ тарихинде болган энъ де узын заман болжаллы дав деп саналады. Ол 1942-нши йылдынъ 25-нши июлинде басланып, 1943-нши йылдынъ 9-ншы октябрине дейим 442 куьн узагында бардырылган. Совет-герман яктан...
Элимиздинъ флотынынъ сыйына шатлыклы байрам этуьв аьдетти патша Биринши Петр шыгарган. 1714-нши йылдынъ 27-нши июлинде (янъы календарьге коьре 7-нши августта) россия флоты Гангутта болып оьткен тенъиз согысында енъуьвге етискен. Биринши Петр йыл сайын да 27-нши июльде Гангут енъуьвин шатлыклы аьлде дува окувлар, парадлар эм фейерверклер мен белгилемеге буйырган. Советлер Союзында Согыс-Тенъиз Флотынынъ куьни СССР Согыс-Тенъиз...
Сайлаган кеспиге алал болув, йолынъда тувган баьри кыйынлыкларды да оьтуьв – уьстинликтинъ бас алаты. Врач кесписин, меним ойымша, йигерли аьдемлер сайлайдылар. Биринши караска, врач кеспили аьдем баскалардан бир заты ман да баскаланмайды. Куьнле-куьнлик яшав кетип турады, олардынъ да аьеллери, ювыклары, тувганлары бар… Ол да, баска кесписи болган аьдемлердей болып, ис аьрекетин бардырады, эртен болып, танъ...
Янъыларда Дагестан Аькимбасы Сергей Меликовтынъ етекшилиги астында видеоконференцсвязь режиминде тыскы факторларды эсапка алув ман Дагестан Республика экономикасынынъ берк оьрленуьвин канагатлав бойынша Оперативлик штабынынъ кенъеси болып озды. Онынъ куллыгында Ногай район аькимбасынынъ орынбасары Рашид Шангереев ортакшылык этти. Кенъес барысында онынъ катнасувшылары ортага салып тоьмендеги соравларды карадылар: Согыс-Тенъиз флотынынъ куьнин байрамшылавга багысланган шараларга аьзирлик коьруьв, Дагестан Республикасында...
Ногай район администрациясынынъ кезекли аппарат кенъесинде Дагестан Республикасынынъ Халк Йыйынынынъ быйылдынъ оьткен 6 айы ишинде эткен куллыгы акында сонынъ депутаты Мурзадин Авезовтынъ эм Ногай районында ЕГЭ патшалык окув сынавларынынъ сырагылары акында Ногай район билимлендируьв боьлигининъ етекшисининъ орынбасары Медина Гапаровадынъ эсап беруьвлери тынъланды эм ойласылды. Кенъесте Ногай район администрациясынынъ аькимбасынынъ орынбасарлары Рашид Шангереев, Баймагомед Ярлыкапов, авыл...
Аьр кимнинъ де яшав йолы оьзинше туьрли, кызыклы эм бай. Согыс йылларынынъ несилининъ аьдемлери оьз бактылары, иси мен Элимиздинъ тарихинде яс несилге аьрекетте, яшавда коьримли уьлги болып ыз калдырганлар. Меним буьгуьнги хабарым асылы ман шоьлде тувмаса да, бу юртта бактысы ашылып, наьсибин тапкан Ногай районынынъ Карасу авылынынъ сыйлы ясуьйкени Минсула Мингаз кызы Шураева акында. Ясы...
Янъыларда А.Джанибеков атындагы мектебининъ негизинде Ногай район Хатын-кызлар советининъ активининъ кенъеси оьтти. Мунда Ногай район администрациясынынъ ваькиллери, муниципалитет мектеблерининъ эм мектебке дейим окув учреждениелерининъ етекшилери эм педагоглары, савлык саклав тармагынынъ куллыкшылары, СВО озып турган ерде эрклик эм баьтирлик коьрсетип турган йигитлердинъ аналары эм хатынлары, солай ок СВО катнасувшысы Мурзабек Кульдиев, ЛНР-на коьлик элтеп еткерген Ленинаулынынъ...
Оьткен ис юмадынъ сонъында Баьтирлер Аллеясында аяк баскандай ер йок эди. Буьгуьн мунда, Ногайлардынъ маданият орталыгында коьп заман болмаган, бу ерлерге аягын баспаган аьдем болса, сондай наслыктынъ болганына ынанып болмаяк. Сол заман аллеяды коьрген аьдемлер, Терекли-Мектебтинъ байыр яшавшысы болса, анълайды, кырдан келген аьдем болса, сол кокыслар таслайтаган ер яде болса, зоопарк деп ойламага болаяк эди....
Кенъ Ногай шоьллигининъ кушагында орынласкан Эдиге авылында таза намыслы, мен деп коькирегине какпаган, коьзге коьп илинмеге суьймеген кеде яшаган. Ол авыл ериндеги кеделер мен бирге ерли мектебте окыган, яслай уьйшилик хозяйствосында ислеп уьйренген, язда пишен шалган, Шобытлыда балык ысламага, ат уьстинде шаппага, техникага амырак болган. Мектебтен сонъ Кожахмет Янибековты аьскер сырасына шакырдылар. Савытлы куьшлер сырасында...
Электроярык пан канагатлав маьселеси бу юма Дагестанда бас тема болды. Белгиленген сорав боьтен де оьткир Махачкалада эм онынъ касындагы калаларында турды. Шилле айынынъ 17-нши куьнинде электроярык пан канагатлавда коьп бузылувлар болды. Экинши куьн болса, РФ Энергетика министерствосынынъ билдируьвлерине коьре, электроярыксыз 70 мынъга ювык аьдем калган. Махачкала кала округынынъ еринде болган бир неше уьйкен авариялар микрорайонлар...
