Москвада Россия Федерация Советинде Расул Гамзатовтынъ куьнлери ашылды.
Бу шарада Россия Оькиметининъ председателининъ орынбасары Татьяна Голикова, Федерация Советининъ спикери Валентина Матвиенко, Дагестан Республикасынынъ Аькимбасы Сергей Меликов, сенаторлар, Госдумадынъ депутатлары, Оькимет агзалары эм конаклар ортакшылык эттилер.
Расул Гамзатовтынъ 100-йыллык мерекесине багысланган шараларды озгарув эм аьзирлев комитетин Татьяна Голикова етекшилейди.
Бу куьн Федерация Советинде Дагестан Республикасынынъ халк шаири Расул Гамзатовтынъ яшавына эм яратувшылыгына багысланган видеофильм коьрсетилди.
Валентина Матвиенко, Татьяна Голикова эм Сергей Меликов Расул Гамзатовтынъ 100-йыллык мерекесине багысланган почта маркасын токтастырдылар. Сонда Расул Гамзатовтынъ суьврети эм артында тав уьстинде ушып баратаган турналар бар. Солай ок, ярасык сувенир тамгасы да аьзирленди, сонда 2023-нши йыл 7-нши июнь деген белги салынды.