Ногай халкында соьз
бар: «Эр киси эли уьшин
тувады». Сол соьзлер
акыйкат. Аталыкка кыйынлык туьссе, аьскершилер атланар. Буьгуьнлерде биз коршалавшылары мыздынъ йигерлигининъ шайытлары боламыз.
Олар СВО еринде енъуьвди ювыклатып, оьз ден савлыгын эм яшавларын аямайдылар.
Алимгерей Зармамбет увылы Абукаев – оьз элининъ шынты патриоты. СВО еринде каты
согысувларда катнасып,
йигит яв ман куьреседи. Россия яшавшыларынынъ парахатлыгы, таза аспан уьшин. Алимгерей Нефтекум районынынъ Коясыл авылында тувган, сонъында Абукаевлердинъ аьели Кара-
гас авылына коьшкен. Бу
авылда Алимгерейдинъ
анасы Тойбийке Оразманбет кызы тувган. Ол аьвлетлерин ялгыз оьзи асыраган, баьри ана-
лардай болып, увыллары йигерли, кызлары –
нызамлы болып оьссин
деп тилек салган. Буьгуьнлерде Тойбийке Абукаева оьз балалары ман оьктемсийди. Увылы Алимгерей – СВО кат-
насувшысы. Анасы увылы узак ерде аман юрсин деп Кудайга тилейди.
Аьвлетлерге энъ де куьшли тилек – анадынъ тилеги, ол баьри баьлеказадан саклайды.
Карагас авылында
Алимгерейди танъ, ийги
яс деп биледилер. Анасы,
балалары акында каьр
шегеди. Бала заманнан
алып Алимгерейди анасы куллыкка уьйреткен.
Кыйынлыклардан ол
коркпайды. Керек болса,
дурыс карар алады. Соьйтип, согыс спецоперациясына бир ойланмай кетти. Ердесимиз 2023-нши йылдынъ казан айын-
да Россия Федерациясынынъ Савытлы Куьшлер
сырасына туьсти, аьлиги заманда штурмовой-десант батальонында куллык этеди.
Карагас авылынынъ
орта мектебинде Алимгерей Абукаевтинъ Баьтир
партасы бар. Авылшылар
ердеси мен оьктемсийдилер. Алимгерей Абукаев Жуков медали эм Суворов орденли 58-нши гвардия армиясынынъ
етекшисининъ «Штурмовой крест» эстеликли
белгиси мен савгаланган.
Бу патшалык согыс баргыларды аьскерши 2024-нши йылдынъ курал айында алган. Солай ок
Алимгерей Зармамбет
увылына согысувларда коьрсеткен йигитлиги уьшин Мактав грамотасы тапшырылган. Ол куллык этетаган согыс
боьлигининъ етекшиле-
ви келеекте де аьскерши
уллы Аталыгы алдында борышын яваплылык
пан толтырувдынъ уьлгиси болаягына шекленмейди. Алимгерей Абукаевтинъ аты Суворов орденли 58-нши гвардия армиясынынъ Сый Китабине киргизилген.
Алимгерей Абукаев
– анасына, ювыкларына,
аьвлетлерине, баьримизге де баьтир. Ясларымыз уьйлерине енъуьв мен кайтып келсинлер.
Г.Бекмуратова.
Суьвретте: А.Абукаев анасы ман