Республика етекшиси Федор Щукин «Дагестан командасы» деген янъы кадрлык программасын кабыл этип алды.
Ол – республикамыздынъ келеектеги онъайлыгына салдарлы косым, онынъ
борышы – Дагестан Республикасынынъ
оьрленуьвин бардыраяк оьз исининъ усталары арасыннан кеспили аьдемлер
командасын кеплев. Онынъ мырады – етекшилерди эм специалистлерди ашык
аьлде сайлав, оьрлендируьв эм ис орынларга ерлестируьв бойынша дайым аьре-
кет этетатаган кадрлар тармагын туьзуьв.
Бу программа Дагестаннынъ берк оьрленуьви уьшин зейинли специалистлерди
табувга, олардынъ болымлыгын дурыс баалавга, иске аьзирлевге эм яваплы ис
орынларга беркитуьвге эп туьзеди.
Бу проект – аян борышларды толтырувга, оьз тувган еринде яшавды ийги як
туьрлендируьвге аьзирлиги бар ердеслеримиз уьшин. Ол яс специалистлерге, баска ерге кетпей, тувган регионында
оьз болымлыгын коьрсетпеге амал береди. Программа баьри яс специалистлери
уьшин ашык – республика еринде калганларга болганлай, солай ок баска регионларга окымага кеткенлерге де. Программа сырагысы – тек енъуьвшилерди белгилев тувыл, солай ок олардынъ энъ зей-
инлилерин аян басшылав ис орынларга беркитуьв. Аьр катнасувшы, сайлаганы-
на карамастан, бир йолды оьтеди – ашык
регистрациялавдан ис орынга беркитуьвге дейим.
Оьзек те, программа куллыксызлык пан байланыслы маьселеди туврасыннан шешпейди. Онынъ мырады – патшалык эм муниципаллык етекшилевде, солай регионнынъ социаллык тармагынынъ эм экономикасынынъ бас тармакларында (билимлендируьв, савлык саклав, маданият, спорт, яслар политикасы) куллык этуьвге кадрлар резервин кеплев. Ол
келеекте регионда басшылав ис орынларда кандидатларды сайлап беркитуьвдинъ
бас булагы болаяк.
Любовь Уразаева "Шоьл тавысы" республикалык газетасынынъ яваплы секретари.