Иримшик – кальцийдинъ булагы эм пайдалы тамакланувдынъ белгиси болады. Ама гастроэнтерологлар, оны
бирге ашамага ярамайтаган азыклар ман кулланса, ден савлыкка зарар да келмеге болатаганын белгилейдилер.
Иримшикке бал, секер, варенье коспага ярамайды, олай этсенъиз инсулиннинъ кадери айлак куьшли оьсип,
шаркта «грибокларга» оьрленмеге онъайлы аьллер туьзиледи.
Иримшикти эт, балык яде юмыртка ман катыстырып кулланманъыз. Туьрли кепли белоклардынъ синъуьви, туьрли
ферментлер талаплайды. Асказаннынъ ондай авыр затка куьши етпейди.
Кешки мезгилде иримшик амал тавып ашаманъыз, билдируьвлерге коьре уйкы кашады эм кан-тамырларга зарар келеди. Бу азыктынъ «инсулиновый индекси» йогары. Белоклы азык кешки мезгил ашалса, шарк тыншаюв орынына,
сав кеше ислейди, сонынъ уьшин аьдем эртенъликте сисип турады.
Коьп пайда алар уьшин, иримшикти черника, малина, клубника елеклери мен бирге ашанъыз. Оларда аз секер, коьп антиоксидантлар бар.
Солай ок иримшикти пайдалы майларга бай козлар, миндаль эм шертлевик пен кулланса, тагы да яхшы.
Аьзирлеген Н.Кожаева.