Дагестан Республикасынынъ Конституция куьнинде ДР Аькимбасынынъ куллыгын
кесек заманга юритуьвшиси
Федор Щукин окытувшылар-
га, савлык саклав эм мадани-
ят куллыкшыларына патшалык
баргылар тапшырды. Ол бу тар-
маклардынъ кайратлы эм алал
исин белгилеп, алдыда аьли
де коьп уьстинликлер йорады.
Сондай сыйга тийисли болган-
лардынъ арасында – Ногай рай-
он орталык китапханасынынъ
аьжетсизлев боьлигининъ бас
китапханашысы Арубике Джу-
магельди кызы Якубова. Коь-
плеген йыллар ислеп турган
хатын «Дагестан Республика-
сынынъ ат казанган куллыкшы-
сы» деген сыйлы атка тийисли
болды.
Арубике Якубова китапхана
исине эм яс несилди ярыклан-
дырувга 40 йылдан артык зама-
нын багыслаган. Куллыгында биринши куьнлерден алып ол оьзин билимли, бажарымлы
этип коьрсеткен. Арубике Джу-
магельди кызы Дагестан патша-
лык университетининъ «библи-
отековедение эм библиогра-
фия» боьлигинде окыган, сонда
алган билимин ол буьгуьнлерде
оьз исинде кулланады.
Китапхана куллыкшысы баьри окувшылардынъ эбин табады, ога яслар да, ясуьйкенлер де келедилер, исинде янъы технологиялар кулланады. А.Якубова – сулыплы, йогары квалификациялы, яратувшылык инсан.
Биз ак юректен Арубике Якубовады патшалык баргысы ман кутлаймыз эм исинде уьстинликлер, берк ден савлык эм яшавында аьли де коьп
суьйинишлер йораймыз.
Г.Бекмуратова.
Суьвретте: баргы тапшырув мезгили.