Янъыларда «Госуслуги» порталында Дагестан Республикасынынъ бир неше районларынынъ оьрленуьви акында соравпроекти йол алды. Сол оьрленуьв болмага керек районлар санында Ногай районымыз да бар. Келеекте сол проект регионнынъ баска муниципалитетлеринде де кулланылмага ниетленеди. Олай дегенимиз, кайсы район еринде яшайтаган аьдем болса да, ол оьзининъ кишкей аталыгынынъ – кала болсын, авыл болсын: орамды ярастырувды, социаллык объектлердинъ, ямагат кенълигин, балалар эм спорт майданлардынъ, коммуналлык хозяйстволардынъ эс баска курылысын оьзи белгилемеге ыхтыярлы болаяк. Ис тамамлары аьр бир муниципалитеттинъ йол картасынынъ оьрленуьв негизинде коьрсетилеек. Сорав «Госуслуги» порталында юреди эм сизинъ онда ким экенинъизди сорамайды, атынъыз белгисиз болып коьринеди, соравды кайтарым байланыс бойынша оьтпеге боласыз. Баьри Ногай район яшавшыларын да сол соравды оьтпеге шакырамыз, неге десе сизинъ явабынъыз яшаган еримиздинъ оьрленуьвин кеплейди.