Ногай район орталыгы Терекли-Мекте авыл яшавшысы, СВО катнасувшыстОразбай Дуйсенбиевке Эрлик ордени тапшырылды.

Дагестан Республикасынынъ Конституция куьнине багысланып, район паркындагы Ногай патшалык халк саз алатлар оркестрининъ меканы

алдында шатлыклы митинг-концерт болып оьтти.
Байрамды «Карлыгаш» балалар хореографиялык ансамбилининъ яс солистлери аштылар.
Район ямагатын республикадынъ Конституциясынынъ куьни мен йылы кепте Ногай район
администрациясынынъ аькимбасынынъ орынба-
сары Мурад Шадиев кутлады. Ол район етекшиси Джамалутдин Эсиргепов атыннан язылган кутлавды окыды. Онынъ айтувы ман, Дагестан Конституциясынынъ куьни – ол тек официаллы бай-
рам тувыл, ол маьнели документти кабыл эткен
эстеликли куьн эм сонынъ аркасы ман биз буьгуьн оьзимизди дагестанлылар деп оьктемли кепте атаймыз, эркин ямагат ишинде куллык этпеге,
окымага эм яшамага боламыз. Бу байрам миллет, дин, социаллык статусына карамастан, Дагестан
халкларынынъ бирлигининъ эм тыпаклыгынынъ аян белгиси болады.
Мурад Шадиев сол ерде ок шатлыклы аьлде йыйылган халк алдында Терекли-Мектеб авыл
яшавшысы, СВО катнасувшысы Оразбай Дуйсенбиевке Эрлик орденин онынъ коькирегине туьйреди. Онынъ айтувына коьре, 2025-нши йылдынъ
19-ншы ноябриндеги Россия Президентининъ Указы бойынша аьскершилик борышын толтырув аьсеринде коьрсеткен йигитлиги эм согыс кайрат-
лыгы уьшин рядовой Оразбай Дуйсенбиев Эрлик орденине тийисли этилинген эди. Мурад Шадиев мундай йогары савгады бизде коьбисинше, оькинишке, ян берген сонъ тапшырадылар деген ойын айтты. «Оразбай буьгуьн бизим оьктемлигимиз, бизим тири баьтиримиз! Ол коьп йыллар таза намысы ман ыхтыярсаклав тармагында, пат-
шалык кавыфсызлыгынынъ органларында куллык эткен. Бир куьн ол меним кабинетиме келип, эндиги согыс спецоперациясы юритилип турган ерге бараягы акында билдирди. Ол эм сонда бар-
ды, оьз борышын толтырды, уьйине де кайтты. Биз
оьктемсиймиз сени мен, Оразбай!» – деди Мурад
Шадиев.
Республикадынъ Конституция куьни мен йыйылганларды кутладылар – Ногай районынынъ Ветеранлар советининъ председатели Акманбет Сангишиев, Ямагат палатасынынъ председатели
Эльмурза Саитов, А-Х.Джанибеков атындагы орта
мектебининъ директоры, Оразбай Дуйсенбиевтинъ
тувган аьптеси Курасхан Дуйсенбиева. Соны ман
бирге олар йогары патшалык савгасы ман солай ок
Оразбай Дуйсенбиевти де кутладылар.
Эльмурза Саитов 5-6 йыл Оразбай ман бир ис
кабинетте куллык эткени акында айтты. «Ол аьр
заман да нызамлы, тербиялы, яваплы эм айлак та
бек оьзин коьрсетпеге суьймейтаган аьдем эди эм
аьли де сондай. Ол согыс майданында да бизим
халкымызда да сондай йигит эм баьтир увыллары
бар экенин тийисли кепте коьрсетти!» – деп белги-
леди Э.Саитов.
«Биз баьримиз де – меним аданасым Оразбай-
дынъ тувган эм ювык аьдемлери, ол буьгуьн тий-
исли кепте казанган савгасы ман оьктемсиймиз.
Буьгуьнлерде 86 ясына толган анамыз бан бирге
биз бек наьсиплимиз, сол орденди оьзинъ келип
алып турганынъа», – деди Оразбайдынъ тувган
аьптеси – Курасхан Ярикбаева.
Бу ерде биз де: район орталыгынынъ Побе-
да микрорайонынынъ яшавшылары, Оразбай-
авылдасымызды бийик оькимет савгасы ман кут-
лаймыз, ога уьйкен уьстинликлерди, эмишликти
эм узак яшав оьмирди йоравымызды билдиремиз.
Байрам концертте окувшылар, районнынъ белгили маданият усталары ортакшылык эттилер. 

М.Ханов.

Суьвретте: савгалав аьсеринде.