Ногай районынынъ Батыр-Мурза авылындагы 1140-ншы номерли сайлав участогында сайлав куьнлеринде авылдынъ энъ де ясуьйкени, быйыл 90 ясына толган Ханбий Сариев те катнаспага амал тапты. Ол мундагы янъы орта мектебтинъ меканында орынласкан участокка оьз аяклары ман юрип келди. Агай дуныяда тынышлык, элимизде эмишлик болсын, биз сайлаган депутатлар оьзиндей картларга эс берсинлер, ясларга оьрленуьвге йол ашсынлар, авылларымыз эм районымыз оьссин эм ийгиленсин деген ниети мен тавысын берген.

 Г.Аблезова.