Янъыларда «Ногай Эл» балалар бавынынъ 4-нши номерли «Карлыгаш» куьбининъ тербиялавшысы Гульнара Сангишиева 3 орденнинъ толы кавалери Алимхан Асановтынъ увылы Камалдин Асанов пан, аьскерши-интернационалист Даниял Ильясов пан, ГОС ОБ ППСП инспекторы, полиция лейтенанты Эльвира Юмартова ман йолыгыс уйгынлады. Шара элимиздинъ Савытлы куьшлери туьзилгенли 100 йыллык толувына багысланган.
Соьз – окытувшылар акында ________________
«Окытувшыдынъ оьктемлиги – окувшыларында, онынъ шашкан урлыкларынынъ оьсуьвинде», – деп айткан аьлим Д.Менделеев.
Окытувшы. Биз арада бир де биринши окытувшыдынъ эткен, этетаган куллыгы акында ойланмаймыз. Ол – балаларга ийги маслагатшы эм йолдас, ол – тербиялав исин бек аьруьв билетаган аьдем. Окытувшы – бизди балалыктан, яслыктан оьз сулыбы ман оьткеретаган аьдем. Ол куьн сайын коьзге коьринмейтаган йигитлик этип турады – бар билимин балалардан аямас, юрек йылувын кызганмас, яшав бойынша тувра йолды да коьрсететаган ол – окытувшы. Коьплердинъ ойларына коьре, окытувшы – ол кеспи тувыл, ол – шакырув. Бизим аьр биримизди мектеб тербиялаган, боьтен де – окытувшы.
Соьз – окытувшылар акында ________________
«Окытувшыдынъ оьктемлиги – окувшыларында, онынъ шашкан урлыкларынынъ оьсуьвинде», – деп айткан аьлим Д.Менделеев.
Окытувшы. Биз арада бир де биринши окытувшыдынъ эткен, этетаган куллыгы акында ойланмаймыз. Ол – балаларга ийги маслагатшы эм йолдас, ол – тербиялав исин бек аьруьв билетаган аьдем. Окытувшы – бизди балалыктан, яслыктан оьз сулыбы ман оьткеретаган аьдем. Ол куьн сайын коьзге коьринмейтаган йигитлик этип турады – бар билимин балалардан аямас, юрек йылувын кызганмас, яшав бойынша тувра йолды да коьрсететаган ол – окытувшы. Коьплердинъ ойларына коьре, окытувшы – ол кеспи тувыл, ол – шакырув. Бизим аьр биримизди мектеб тербиялаган, боьтен де – окытувшы.
Уьндирикте – янъы китап__________________
2017-нши йылдынъ декабрь айында «Россия халкларынынъ балалар уьшин адабиатынынъ антологиясы» деген китаби дуныя ярыгын коьрди. Янъы йыйынтыкта балалар уьшин шыгармалардынъ Россия халкларынынъ миллет тиллериннен орыс тилине художестволык коьшируьвлери, солай болып, шыгармаларга суьвретлер, миллет оьрнеклер, ярыкландырув макалалары киргенлер.
2018-нши йылдынъ 13-15-нши февралинде Москва каласында ВДНХ майданында «Насихатшы» деп аталып, Савлайроссиялык, форум озгарылаяк. Сол форум ишинде, «Энъ ийги насихатшылар» деп аталып, эртеректен озгарылган шарасынынъ тамамлары да келтирилеек.
Алдынларда туьзилген ногай тил китаплери мен аьлиги заман ман дерислерди келистируьв тынышлардан тувыл. Ногай тилимизди уьйренейик, балаларымызга бала бавында бар ногай ойынларын коьрсетейик, ойнатайык деген соьзлерди, маслагатларды ызгы заманларда коьп эситемиз. Ана тилимизде соьйлемейтаган балаларымызды коьргенде, «ел байракты» алып ювырамыз. Бизим маьселемиздинъ негизи эм баьлеси – биз оьзимиз.
Йыл сайын увыт айынынъ 2-синде Терекли-Мектеб авылдынъ А.Джанибеков атындагы орта мектебинде бу окув ошагын кутарганлар ман аьдетли йолыгыс озгарылады. Сол йолыгыс-байрам коьпте, совет йылларыннан алып уьзилмей, аз болса, яркынлы, куванышлы, эстеликли болып аьр кимнинъ эсинде узак заманга сакланады. Сондай йолыгыс, элбетте, мектебти биткен яска да, самайы агарган эсли аьдемге де аявлы. Олар таьтли бала шагыннан алып, бир мектебте, бир класста бир аьелдеги балалар кимик окып,ойнап оьскенлер. Тенъ-йолдасларынъ, абырайлы, билимли, аьрекетли окытувшыларынъ, оьсе келе юрек толкыткан, уялшанъ ян сезимлеринъ, кайбир мезгиллерде класс етекшилеринъ мен куьплесип олтырганда ашык боьлискен ой-мыратларынъ, тенъ-досларынънынъ енъил маскаралары, язлыктынъ емис бавындагы япалак ак шешекейлердей яркыраган уьмитлеринъ сагындай тизилисип эсинъде турады. Кайдай аьлемет умыткысыз шак!..
Индира Янакаева коьзге туьсетаган, оьзининъ терен билимин коьрсетип, соьйлеви мен аьдемди оьзине тартып, кызыксындырып болатаган окувшы.
Индира Зекерья кызы Янакаева коьп республикалык, район эм оьзининъ тувган авыл орта школасында озгарылатаган шараларда катнасып, алдышы орынларды алып келеди. Янъыларда да Индира зональный кезегинде озгарылган Брейн-ринг ойынында катнасты, ол ортакшылык эткен куьп уьшинши савгалы орынга тийисли болган. Мунда авылдас районлардынъ балалары оьз куьплери мен катнастылар.
Индира куьннен-куьнге оьз билимин теренлетип турады. Ога баьри зат та кызыклы. Ол оьз куьшин ДР бойынша озгарылатаган «Умники и умницы» деген интеллектуальлик ойынында да сынап келеди. Буьгуьнлерде ол соннан уьш медаль алып келген. Индира – ата-анасынынъ, Орта-Тоьбе авыл орта школасынынъ сеними эм диреги.
Г. Сагиндикова.
Биринши окытувшы! Ким оны суьйип эсинде сакламайды? Онынъ биринши дериси, биринши белгиси, биринши берген ятлавы. Онынъ орыны бек маьнели аьдемнинъ юрегинде, ойында, яшав йолды сайлавда демеге де болады. Солай ок Кадрия атындагы школасынынъ баслангыш классларынынъ окытувшысы Нурбике Оразманбетовна Кельдасовадынъ биринши окытувшысына каратылган суьйими эм сыйы кеспи сайлавына себеплик эткен. Онынъ биринши окытувшысынынъ аты да, атасынынъ аты да оьзиндикине келисли – Нур Оразманбетовна болган эм кызалак тептерине оьзининъ атынынъ орынына окытувшысынынъ атын язатаган болган…
25-нши январь – Россия студент куьни_________________
Аьр бир аьдем яшав бойында бир неше оьмир кезегин оьтеди. Сол кезекти кайтип оьтуьви ога бактысы ман буйырылады, сол бактыдынъ коьп ерлеринде ол оьзи кайтип оьтпеге керекти де белгилейди, кыскаша айтканда, аьр аьдем – оьз бактысынынъ иеси.
