Оьткен юма ызында ДР Аькимбасы Сергей Меликовтынъ баславы ман Махачкалада согыс спецоперация катнасувшыларын бирлестиретаган «Бизим заманнынъ баьтирлери» деп аталган конференция оьз исин баслады. Пленарлык кенъес барысында Сергей Меликов аьскершилерге баьри дережелерде де туьрли як колтыклавдынъ кереклигин айырым белгиледи. Конференцияда Ногай район етекшиси Джамалутдин Эсиргеповтынъ басшылыгы астында тоьмендеги сырасы ман бизим делегация да ортакшылык этти: КЦСОН...
2026-ншы йылда яшавга шыгарылмага керек Ис планына коьре, уьстимиздеги йылдынъ навруз айынынъ ызгы куьнлеринде, Ногай район муниципаллык туьзилисинде, Антитеррористлик комиссиясынынъ кезекли йыйыны болып озды. Йыйын барысында бир неше соравлар каралды, айтпага, эсапка алынганлар, шет эллердинъ аьдемлери мен юритилетаган профилактикалык ислер, «Оружие-выкуп» спецоперациясынынъ юруьви, Россия Федерация Оькиметининъ 2019-ншы йылдынъ 5-нши сентябринде кабыл этилинип алынган 1165-нши номерли...
Навруз – аьдемшилик тарихинде энъ де бурынгы байрамларынынъ бириси. Ол язлык шагынынъ басланувы ман ер юзинде баьри затлардынъ янъыртувын белгилейди. Ногай шоьлге Навруз келуьви мен байланыста, уьйкен байрам Терекли-Мектеб авылынынъ халк яратувшылык орталыгынынъ алдында озды. Майданда терме курылган, сонынъ ишинде ногай миллет кийимлер, бурынгы савытсадак, бала бесиги, кыскаша, атабабаларымыз бурын кулланган затлар коьрсетилген. Термединъ касында...
Куьшли ямгырлар явып, сырагысында республика яшавшыларынынъ турак уьйлерине эм муьлкине зыян келтирилгени мен байланыста, ДР информация эм баспа агентствосы ман эм онынъ басшылыгы астындагы учреждениелер мен маьнели карар кабыл этилинип алынды: сув алган ерлерде кыйынлык коьргенлерге бир куьнлик кыйын акты коьширмеге. Оннан баска болып, баьри информациялык блок кешеси-куьндизи мен бир неше яклы куллык этуьвди бардырады:...
Заман ушады деген соьзлерди биз тек эсейгенде анълаймыз. Кашан да, юрек яс, аьли баьри зат та алдыда деп ойлаймыз. Мен редакцияга ислемеге 25 йыл артта келдим. Сол замандагы куллыкшылардынъ коьбиси, оькинишке, йок. Мени куллыкка сол заманда газетамыздынъ бас редакторы болып ислейтаган, белгили язувшы, савлай оьмирин ана тилинде шыгатаган газетага багыслаган Магомет Янмурза увылы Кожаев (яткан...
Биз бу дуныяга келуьвимиздинъ маьнеси бар, тек нешаклы яшаягымызды бир Кудай биледи. Яшав. Кайдай кыска, артынъа карап та уьлгирмейсинъ, уныклар оьсип бараятырлар. Бизим халкымызда айтылады: «Аьдем оьлсе, ат калар». Яман ма, яхшы ма, сога оьзимиз себепши боламыз. Буьгуьнлерде СВО еринде яв ман куьресетаган аьскершилеримиз баьтирлер боладылар. Олар дуныяда тынышлык болсын деп яшавларын аямайдылар, оьзлериннен сонъ...
Киели Рамадан айы алдында ТереклиМектеб авылында, СВО еринде янын берген ердеслеримиздинъ ата-аналары уьшин коллективлик авызашар озгарылды. Бу шара, Ногай районында ийги аьдет болып, район кыскаяклылар Советининъ председатели Асият Манкаевадынъ етекшилиги астында район администрациясы, ТереклиМектеб авыл администрациясы, предприниматель Гульзара Эсмухамбетовадынъ эм сондай яны авырыган баскалардынъ баславы ман уйгынланып оьтти. Шарады Дослар-ТВ ногай телевидениединъ директоры Даниял Исакаев...
Дагестан Республикасынынъ Ногай районынынъ Карасу авылынынъ яшавшысы Вагаб Эльмурза увылы Османов районымыз бойынша «Тавлар эси» СВО ветеранларынынъ Ассоциациясынынъ председатели болып сайланган. Ветеранлар Ассоциациясы гражданлардынъ патриотлык тербиялавы, Аталыкты саклавшыларынынъ эсин оьмирлетуьв, ветеранлар арасында спортты таралтув, СВО катнасувшыларынынъ аьеллерин коьтергишлев, ветеранлардынъ ыхтыярларын эм кызыксынувларын коршалав соравларын карайды. Энъ де баслап, Ассоциация яшавында кыйынлыклар ман раскан йолдасларды бирлестиреди....
Янъыларда республика етекшисининъ басшылавы астында оьткен йыйыннынъ бас темасы – алданган гражданлардынъ ыхтыярларын яклав йолларын излестируьв. Мошенниклер мен алданганлар санында согыс спецоперациясынынъ катнасувшылары эм олардынъ аьеллери, коьпбалалы аьеллер бар. Алдаткан курылыс юриткен кампаниясына уголовлык ис ашылган. Дагестан Республикасынынъ Аькимбасы Сергей Меликов алданган гражданларга оьз коьмегин этеегин билдирген, армаганда мошенниклерден сак болмага керегин де айтып. Солай...
Халкымыздынъ маданият куллыкшылары! Сизди кеспи байрамынъыз – Маданият куллыкшысынынъ куьни мен кутлаймыз. Сизинъ ис аьрекетинъиз бизим аьр биримизге керекли эм маьнели. Сиз, бизим авыл клубларымыздынъ, китапханаларымыздынъ куллыкшылары болып, халкымыздынъ ян-коьнъил байлыкларын, аьдетлерин саклавшылар эм оьрлентуьвшилер эсабында аьдемлердинъ коьнъиллерин коьтересиз эм оларды бирлестируьвге оьз ис уьлисинъизди косасыз. Сизинъ арканъыз бан яваплы социаллык ис аьрекети яшавга шыгарылады,...
