Янъыларда Кизляр районынынъ Новобирюзак мектебинде Движение Первых боьлигинде согыс спецоперация катнасувшысы, мектеб выпускниги Василий Мамонтов пан, баьрисининъ де юреклеринде ыз калдырган, йолыгыс уйгынланып озды. Сол йылы йолыгыс йигитлик, яваплык, яшав сайлавы эм Элине суьйим акында шынты хабарласувга айланды. Класста оьткен шара уьйкен эс этуьв эм терен сый аьлинде оьтти. Окытувшылар эм окувшылар согыс спецоперация катнасувшысынынъ...
Озган юмадынъ ишинде Грозный каласында Россия Баьтири, Шешен Республикасынынъ биринши Президенти А-Х.А.Кадыровтынъ атындагы мемориаллык Данък комплексинде белгили ногай суьвретши Мархаба Аджибатир кызы Шалиевадынъ, «Меним кийгизимнинъ йылувлыгы» деп аталып, выставкасы ашылды. Бу оьзгеристинъ уйгынлавшылары – «Ногайский район» МР администрациясы, Ногай районынынъ Хатын-кызлар Совети, Шешен Республикасынынъ Ямагат палатасынынъ, Суьвретшилер союзынынъ председатели Исмаил Денильханов, Дагестан Республикасынынъ Хатын-кызлар совети...
Уьстимиздеги йылдынъ канътар айынынъ 20-ншы куьнинде, Ногай районымыздынъ халк яратувшылык орталыгында, Ногай районы бойынша Россия МВД боьлигининъ участковый уполномоченныйлары 2025-нши йылда этилген куллыклар бойынша эсап бердилер. Бу куьн мунда авыл яшавшылары, ыхтыярсаклав органларынынъ, авыл еринде аьрекет бардыратаган организацияларынынъ куллыкшылары бар эдилер. Президиумдагы орында Россия МВД боьлигининъ республикадан кураторы Гаджи Габибула увылы Гасанкадиев, Ногай районы бойынша...
Согыс спецоперациясы акында айтылса, коьз алдымызга йигитлеримиз келеди. Коьп яслардынъ акында язылды, биревлери, оькинишке, арамызда йок, болса да олар дайымларга бизим юреклеримизде эм эсимизде. Олардынъ ишинде – меним ердесим Арифулла Байрамов. Ол йигитлерше согыскан эм ян берген Эли, Аталыгы уьшин. Онынъ йолын бардырып, аьлиги заманда СВО еринде онынъ акасы, Уйсалган авылынынъ яшавшысы Тагир Толевхан увылы...
Онынъ яшавы 2024-нши йылдынъ карагыс айында туьрленди: тынышлы эркин шак – согыс спецоперациясы… Бу куьнлерде ердесимиз Арсланбек Сталинбек увылы Култаев – согыс спецоперациясынынъ катнасувшысы, автокоьлик айдавшысы ис орынында болып, дав майданда болатаган баьри кыйынлыкларды да оьз коьзи мен коьрип, йигерлиги мен оьтип келеди. Сол белсенли аьрекети уьшин Арсланбек аьлиги заманда бир неше патшалык белгилерге тийисли...
Уьстимиздеги йылдынъ увыт айынынъ 4-нши куьнинде, Дагестан Республикасынынъ Язувшылар Союзынынъ ногай секциясы Ногай патшалык театры эм «Шоьл тавысы» республикалык газетасынынъ куллыкшылары ман биргелесте адабият кешлигин уйгынлы оьткерди. Бу куьн уйгынланган шара Ногай патшалык театрынынъ меканында озды. Тоьгерек стол касында йыйылганлар дагестанлы язувшы, шаир, талаплы инсан Магомед Ахмедовтынъ яратувшылыгы, аьдемшилиги акында соьйледилер. Оны ман таныс болган...
Янъыларда Ногай район аькимбасынынъ орынбасары Рашид Шангереев согыс спецоперация катнасувшыларына эм олардынъ аьеллерине ярдам этуьв бойынша Штабынынъ агзалары ман йыйын озгарды. Йыйын барысында бу куьн СВО катнасувшыларынынъ аьеллериннен туьскен эки аьризе каралды. Биревинде – СВО катнасувшысынынъ анасына, экиншисинде – хатынына материаллык ярдам кереги акында эди. Штаб катнасувшылары биринши аьризе бойынша тилекти толтырмага, экиншиси бойынша тийисли...
Ис куьнделигине муниципалитеттинъ кайбир маьнели соравлары салынып, район парламентининъ председатели Алибек Менласановтынъ басшылыгы ман кезекли сессия болып озды. Онынъ исинде Россия МВД-нынъ Ногай районы бойынша боьлигининъ начальниги Ислам Турлавов, авыл поселениелер аькимбаслары эм ямагат организациялар ваькиллери ортакшылык эттилер. Биринши болып Ногай районы бойынша Россия МВД боьлигининъ начальнигининъ «2025-нши йылда оперативлик-служебный аьрекетининъ сырагылары акында» эсап беруьви...
Россияда 2026-ншы йыл Халклар бирлигининъ йылы деп белгиленген. Ол –бизди уллы эм биргелес этетаган оьз тамырларымызга, тарихимизге, баалыкларымызга кайтатаган заман. Янъыларда район орталык китапханасында Россия халкларынынъ бирлигининъ йылы ашылувына багысланган юреклерди йылыткан бек ийги шара район администрациясынынъ коьтергишлеви мен озды. Мунда эртеректен аьзирленген «Россия – бизим ортак уьйимиз» деп аталган китап выставкасы, фотосуьврет эм туьрли...
Россия Баьтири Евгений Поддубный Дагестан Республикасында согыс спецоперациясынынъ дагестанлы катнасувшыларына багысланган документальлик фильмин согув бойынша куллык этеди. Бу куьнлерде сонынъ уьстинде аьрекет этетаган куьп бизим еримизде конакта. – Аьр кайсы заманда да мен Дагестанга келсем, мени мунда хош коьрип, йылы йолыгадылар, республика да аьр бир келуьвге баскаша туьрленген, янъы курылыслар, туьрленислер этилген болады. Дагестан –...
