Сыйлы сайлавшылар! Аявлы ердеслерим, Ногай районынынъ яшавшылары!

Озган юмадынъ ызында РФ Госдумадынъ эм ДР Халк Йыйынынынъ депутатларынынъ сайлавлары озды. Бизим элимиздинъ эм республикамыздынъ политикалык яшавында бу бек маьнели оьзгерис. Мен ак юректен сизге меним республикалык парламентине салынган кандидатурамды коьтергишлегенинъиз эм мага сеним эткенинъиз уьшин разылыгымды билдиремен. Мага уьйкен сый бизим районымыздынъ кызыксынувларын Дагестаннынъ йогары законодательли органында коьрсетпеге. «Единая Россия» партиясынынъ агзасы болып, мен оьз мойныма салынып турган яваплылыкты бек ийги этип анълайман. Гражданлардынъ яшавынынъ сапатынынъ ийгиленуьвине, патшалыктынъ беркленуьвине, тебентели оьрленуьвине каратылган сайлавлар алдындагы программа меним аьрекетимнинъ сенимли негизи болар. Мен айырым айтпага суьемен, меним сайлавларга йолым коьп заман алдыда басланган. Куьни-бурын сайлавлар кезегинде сизинъ белсен коьтергишлевинъиз, сениминъиз мага бас эм маьнели белги, борыш болды. Ногай районынынъ яшавшылары меннен белсен исти каравы, мени коьтергишлемеге аьзирлиги оьз кандидатурамды сайлавларга салмага карар алувда оьз демевлигин этти. Сизинъ праймеризде белсен катнасувсыз, насихатларсыз, маслагатларсыз мундай сырагылар болмас эди. Сиз мага мырадыма ызына дейим бармага куьш бердинъиз. Алдыда бизди уьйкен куллыклар куьтеди. Мен сизге аьр биринъиздинъ алдынъызда ашык, намыслы болмага соьз беремен. Йолыгыслар заманында коьтерилген баьри соравлар да – авылхозяйстволык тармагынынъ эм инфраструктурадынъ оьрленуьвиннен алып социаллык коьтергишлевге, аьлемет маданиятымызды саклавга дейим – Халк Йыйынында каралар эм шешилер. Ногай районы оьрленуьв уьшин этилинмеге керек куллыкларды колымнан келген шаклы этермен. Тагы да бир кере аьр бир айырым тавыс, эткен исинъиз, акыллылык эм коьтергишлев уьшин савбол айтаман. Биргелесип биз Дагестан Республикамызды эм районымызды тагы да куьшли, онъайлы этермиз! 

Сый эм разылык пан Алибек Арифулла увылы мурзаев, ДР Халк йыйынынынъ депутаты Савлайроссиялык «Единая Россия» политикалык партиясынынъ агзасы.