Окытувшы – ол алдынгы заманларда энъ де сыйлы аьдемлердинъ, кеспилердинъ бириси эди. Окытувшы дайым ийги уьлги де болатаган эди. Ол аьдемнинъ бир осал нышаны да коьринмейтаган болган. Тек заманлар оьтедилер, аьдемлердинъ касиетлери де туьрленеди, соны ман бирге аьдемлердинъ катнаслары да баска болган. Сол катнаслар кайдай экенин аьр биримиз оьзимизше коьремиз. 

Особые успехи в учебе и научных исследованиях дагестанских студентов высших учебных заведений будут отмечены стипендией Главы Республики Дагестан. Соответствующий Указ 20 декабря подписал Владимир Васильев.

В списке счастливчиков 48 имен и фамилий - все отличники учебы в ведущих вузах.

Бизим яслар ызгы йыллар оьз халкынынъ тарихи мен, онда ыз калдырган, оьрленуьвине уьлис коскан, белгили аьдемлери мен кызыксынадылар эм оьктемсийдилер. Сол зат бизди суьйиндирмей болмайды. Яслар халкымыздынъ айтылган  увылларынынъ  эм кызларынынъ эткен ислерине тек эс этип яде  тергеп калмай, олардан коьрим алып, алдыга ымтыладылар. 

Баска яслар ман бирге алдыга ымтылады А.Ш.Джанибеков атындагы школасынынъ 10-ншы «б» класс окувшысы Гульсина Карагулова. Янъыларда ол орыс тилиннен Савлайроссиялык сочинениелер конкурсында катнасып, 10-11-нши класслар окувшылар арасында школа, район эм регион кезеклеринде енъуьвши болган. Йыл сайын белгиленген конкурсы туьрли йосыклар ман озгарылады, бу йыл Гульсина «Саният соьз бен айтылып болмайтаган сезимлердинъ, ойлардынъ арасындагы аражы» деген барыста Сраждин Батыровка багысланган «Наьсип уьшин савболынъыз» деп аталган  сочинение язган. Онынъ етекшиси – орыс тилиннен окытувшы Алтын Даутовна Агаспарова, окувшысына сосындай уьстинликке етисуьвинде ярдамшысы эм насихатшысы болып келген. 

Озган йыл яз таркавлар алдында биз классымыз бан уьлке танув музейде болдык. Мунда ногай халкынынъ бай тарихи, онынъ анъ-материаллык маданияты акында хабарлаган кызыклы экспонатлар йыйналган. Музей етекшиси бизди агаштан ясалган меканынынъ уьш уьйкен болмаган заллары ман етип, Ногай Ордадынъ етекшиси уллы Эдиге, скифлер, кыпшаклар акында кызыклы хабарлады.

Янъыларда бизим Калинин авылдынъ С.И.Капаев атындагы мектебининъ окытувшысы Эмилия Курманали кызы Абдулгапова «Мен Россияды билмеге ымтыламан» деген ярыста ортакшылык этпеге 9-ншы класс окувшысы Камилла Эсиргеповады аьзирледи. Ярыста оьзин бек талаплы этип коьрсеткен окувшымыз, биринши орынга тийисли болды. Камилла Эсиргеповага Сый грамота эм белги тапшырылды. 

Мектебимизде сондай оьнерли окытувшылар эм окувшылар бар болганына, биз бек оьктемсиймиз! Уьйкен уьстинликлер сизге, Камилла эм Эмилия Курманали кызы! Дайым да етимислерге етисуьвде йолынъыз ашык болсын!

Г. Янгазиева, Калинин авыл мектебининъ окытувшысы.

Карагас авыл орта мектебинде янъыларда мектеблердеги китапханалар куллыкшыларынынъ семинары озгарылды, онынъ темасы «Аьелде китап окув – мектеб китапханалар аьрекетининъ проектли негизи». Бу шара бизим элимизде 2017-нши йылдынъ октябрь айынынъ 1-нши куьнинде басланган «Окыйтаган ана» Савлайроссиялык проекти ишинде этилинген. Проекттинъ актуальли маьселеси – бала окымайтаган уьйкенлердинъ арасында оьседи, уьйдеги эм мектеб китапханаларда сапатлы бала адабиат  фондлары йокка эсап. Шарада Ногай район Билимлендируьв управлениесининъ етекшиси К.Отегенова, управление специалисти С.Оразбаева, 14 китапхана куллыкшылары катнастылар. 

Янъыларда Кизляр каладынъ балалар бавынынъ тербиялавшысы ногай Уланбийке Толеген кызы Мурзаева 2-нши дережели дипломына тийисли болды. Тербиялавшы «Россия тербиялавшысы» деген ярыстынъ республика бойынша кезегин етимисли оьтип, Савлайроссиялык ярысынынъ енъуьвшиси болды.  Кизляр районынынъ мэри А.Шувалов 7-нши декабрьде «Радуга» балалар бавынынъ тербиялавшысы Уланбийке Мурзаева ман йолыгысып, Москва каласында оьткен «Россия тербиялавшысы» деген III Савлайроссиялык ярысынынъ катнасувшысын енъуьви мен кутлады. Кизляр каласынынъ мэри енъуьвдинъ айырым маьнеси эм белгиси акында айтты. – Бу тек федераллык оьлшемде казанган йогары кеспилик специалистине тувыл, балалар бавынынъ куллыкшылары, каладынъ педагогикалык ямагатлыгы уьшин де савга болады. Сиз, элимиз оьлшеминде тек оьз учреждениенъизди, каланъызды тувыл, республикамызды да тийисли коьрсеттинъиз.

Янъыларда Калинин авылындагы С.И.Капаев атындагы мектебинде завучлар семинары уйгынланып оьтти. Онда Ногай районынынъ баьри мектеблер етекшилерининъ уйгынлав иси бойынша завучлары ортакшылык эттилер. Семинарды мектеб етекшисининъ уйгынлав иси бойынша завучы Нарбике Ашим кызы Джумагельдиева эм аьр бир класс етекшилери туьзилген программа бойынша юриттилер. «Янъы заман. Балаларды тербиялавда янъы йолларды табув» деген семинардынъ темасына коьре аьр бир класста класс саьатлери озгарылдылар. 

«Дагестаннынъ "йыл окытувшысы-2018» конкурсынынъ муниципаллык кезеги тамамланды. Белгиленген конкурста районымыздынъ туьрли школаларыннан 9 окытувшы ортакшылык этти. Районымызда сосы конкурс 21-нши кере озгарылады. Шара катнасувшылар 2 кезекли борышларда оьзлерин сынадылар. 1-нши кезеги – окытувшылык усталык, мунда  окытувшылар оьзининъ кеспилик усталыгын коьрсеттилер. 2-нши кезек – окув дериси, усталыкты арттырувдынъ негизли кеплерининъ бириси. Билимлендируьв тармагынынъ практикалык куллыгында уьйкен сулыбы болган специалистлер жюри сырасында эди. Олар окытувшыдынъ ортак маданиятына, эрудициясына, кеспилик усталыгына эс эттилер. Конкурс катнасувшылар видео, аудио материаллар, туьрли презентациялар кулландылар. 

Янъыларда А-Х.Ш.Джанибеков атындагы Терекли-Мектеб орта мектебинде, 1917-нши йылдагы революциядынъ 100 йыллыгына багысланып, «Октябрьдинъ саьбийлери» деген ятлав окув конкурсынынъ район кезеги оьтти. Мунда районымыздынъ школаларынынъ 5 -8-нши классларынынъ окувшылары катнастылар. Белгиленген шара балаларды озган юзйыллыкта болган уллы оьзгерислерди юреклериннен оьткерип, туьп маьнесине етуьв ниет пен озгарылды. Балалар окыган ятлавлардынъ темасы Россия империясынынъ бузылувына, уллы аьдемлери эм етимислерине, 20-ншы оьмирдинъ уллы енъуьвлерине багысланган эди. 
Конкурс бек кызыклы аьлде оьтти. Аьр бир катнасувшы окувшы ортага шыгувында шалысып окыды. Конкурс сырагылары бойынша 1-нши орынды Кадрия атындагы школадынъ 6-ншы классынынъ окувшысы Айна Мавлимбердиева бийледи. 2-нши орынга А-Х.Ш.Джанибеков атындагы школадынъ 8-нши классынынъ окувшысы Руслан Уразакаев эм Карасув авыл школасынынъ окувшылары Альвида Арунова эм Азиза Шомаева тийисли болдылар. 3-нши орынды Азифа Сагиндикова (Карагас авыл школасы, 6-ншы класс), Адильбек Тортаев (Карагас авыл школасы, 7-нши класс), Зарина Елгишиева (Эдиге авыл школасы, 6-ншы класс) боьлистилер. Баьри баргылы орынлар бийлегенлерге Билимлендируьв управлениесиннен Сый грамоталар тапшырылды. 
Бизим хабаршы.