Янъыларда «Ногайский район» МО-сындагы  КЦСОН-нынъ ясуьйкенлердинъ эм сакат аьдемлердинъ куьндизги ял алув боьлигининъ специалисти Н.Аджибаева социаллык буйымларды алувшылар ман «Пайдалы тогыз азык. Кайтип оьмирди узак этпеге керек» деген темага хабарласув озгарды.

«Ногайский район» МО-сында АТК  терроризмге карсы информационлык  идеологиясын таралтув исин толысынша юритеди. Соьйтип, янъыларда Ногай районынынъ япсарында «Ногай районы терроризмге карсы» деп баннер салынган. Сол исте коьмек эткени уьшин Терроризмге карсы комиссиясы Ногай район яшавшылары Русланбек Арсланбекович Бекмуратовка эм Мурзадин  Маушевич Карамурзаевке разылык билдиреди. 

Янъыларда, дурысын айтканда, караша айынынъ сонъгы каты куьнинде, бизим элимиз Ана куьнин белгиледи. Ана – аьр биримизге ювык эм баалы аьдем болады. Районымыз бойынша сол куьн кенъ байрамшыланды, аьр бир учреждение сол куьнди оьзинше, кызыклы оьткерди. «Ногайский район» МО-сындагы УСЗН куллыкшысы Э.Сапарчаева етекшиси А.Авезов пан бу куьнге уьйкен эс этип, сол ок «Ногайский район» МО-сындагы КЦСОН куллыкшылары Ж.Мурзаева, Д.Бодениязова ман бирге Нариман авыл орта мектебинде «Меним анам дуныяда энъ де ийги» деген темага сочинениелер эм суьвретлер шараларын озгардылар.

Янъыларда Терекли-Мектеб авылындагы  халк яратувшылыгынынъ эм маданият оьрленуьвининъ орталыгында Ногай районынынъ маданият учреждениелерининъ куллыкшылары эткен куллыклары бойынша эсап бердилер эм исинде раскан маьселелерин билдирдилер.

Бала дуныяга энген биринши куьнлериннен алып оны анадынъ юмсак коллары баьри заттан саклайды. Бала оьскен сайын анадынъ юреги дайым да онынъ касында. Ана бизи мен бирге кайгырады эм суьйинеди. Анадан баалы эм ювык аьдем йок дуныяда.

Бала дуныяга энген биринши куьнлериннен алып оны анадынъ юмсак коллары баьри заттан саклайды. Бала оьскен сайын анадынъ юреги дайым да онынъ касында. Ана бизи мен бирге кайгырады эм суьйинеди. Анадан баалы эм ювык аьдем йок дуныяда.

25 йыл узагында 3-нши декабрьде сакатлар куьни белгиленеди. «Россия Федерациясынынъ сакатларын социаллык яктан коршалав акында» федераллык законына коьре, сакатларга Россия Федерациясынынъ пенсионлык фонды ман  ай сайынлык тоьлев бериледи, турак уьй уьшин тоьлев 50 процентке дейим туьседи. Солай ок, «Патшалык социаллык ярдамы акында» федераллык законы аьрекетлейди. Сол закон бойынша сакатларга социаллык буйымлар, тегин медициналык ярдам,  санаторлык-курорт путевкалар бериледи. 

Анъ – аьдем янын тербиялавдынъ энъ маьнели кеби болады. Халк анъы – айырым халктынъ миллет эси, миллеттинъ айырым нышаны, несилдинъ несил мен байланысы. Халк эм классикалык анъды бир баска ман да тенълестирип болмаймыз, солардынъ аьр бириси юрекке тийип, эмлев исин де этеди десек, оьтирик болмас. 

«Ногайский район» МО-сындагы КЦСОН-нынъ ясуьйкенлердинъ эм сакат аьдемлердинъ куьндизги ял алув боьлигининъ куллыкшылары, оьзлеринде социаллык буйымлар ман пайдаланатаганлары ман аз куллыклар этпейдилер. Туьрли шаралар аьзирлеп, заманды кызыклы озгармага коьп куьш салады.

Бизим заманда мобильли телефонлар аьр бир аьдемде бар, бес ясындагы балалардан алып эсли тетейлер мен атайларга дейим. Мобильли телефонлар кулланылып басланганлай, бизге бек тыныш болды: тез арада биревге керек билдируьвди еткермеге… Солай ок, сосы телефонлар стресслердинъ себеби де болмага боладылар. Олар бизди парахатлыктан айырадылар. Оннан оьзгелей, мобильли телефонлар ден савлыкка зарарлы.