Йыл сайын 15-нши февральде элимизде Афган еринде эр борышын намыслы толтырган аьскершилердинъ сыйына багысланып, туьрли шаралар уйгынланады. Солай ок Нариман авыл школасында «Афганшылар кубогы» регионлар ара волейбол турнири озды. Мунда 7 команда катнасты, айтпага: КЧР Ногай районыннан, Ставрополь крайынынъ Нефтекум районыннан, ДР Ногай, Тарумов районларыннан, Южно-Сухокумск каласыннан, ДР Ногай районынынъ ветеранлары эм яслары.
Ногай районы бойынша «Дагтехкадастр» ГБУ филиалы бойынша капиталлык курылысы объектлерин эм ер участокларын кадастрлык баалав уьшин информация йыюв аьрекети (подворный обход) юритиледи. Онынъ сырагысы ман байланыслы налог салынатаган негиздинъ кепленуьви, район бюджетининъ толыстырылувы.
БТИ адреси: Карл Маркс атындагы орам, 40 (РайПО меканында).
Янъыларда «село Терекли-Мектеб» СП МО-сынынъ Депутатлар йыйынынынъ сессиясында «Терекли-Мектеб авыл ериннен туьрли калдыкларды (кокысты) шыгарувга тарифлерди туьрлендируьв акында» деген сорав ойласылды. Сол 27-нши сессияда кабыл этилинген карардынъ негизинде «село Терекли-Мектеб» СП МО аькимбасынынъ токтасы кабыл этилинип, эндигиси калдыкларды (кокысты) коьлик пен аькеттируьв уьшин аьр аьдемнен (аьелдинъ аьр агзасыннан) 40 маьнет акша кадери тоьленмеге кереги белгиленди.
Аьскер куллыкшыларын эм аьскер боьликлердинъ гражданлык персоналын, Уллы Аталык согысынынъ эм Савытлы куьшлер ветеранларын Аталыкты саклавшы куьни мен кутлайман.
Сол куьн биз данъклы аьскершилеримизге баьтирлиги эм оьзин аямаслыгы, Элимиз алдында аьскершилик етимислери уьшин юрек разылыгымызды билдиремиз. Уьйкен сый-оьрмет пен биз оьзи уьшин кыйынлы, ама сыйлы кеспиди – Аталыкка сенимлик эм дурыслык пан куллык этуьвди, патшалыкты, ямагатты эм аьр бир гражданиннинъ парахатлагын коршалавды сайлаганларды алгыслаймыз.
«Ногайский район» МО администрациясы, муниципаллык районынынъ Депутатлар Йыйыны сизди Аталыкты саклавшылар куьни мен ак юректен исси кутлайдылар. Быйыл Кызыл Аьскер туьзилгенли 100 йыл толады. Баьри заманларда да Россия аьскершилерининъ баьтирлиги эм йигерлиги, савыт-садагынынъ куьши эм данъкы Россия патшалыгынынъ уллылыгынынъ уьзилгисиз кесеги болган. Эм буьгуьнлерде де данъклы енъуьвлер мен атлы-данлы россия армиясы бизим Аталыгымыздынъ сенимли коршаланувын канагатлайды. Аьскершилер, сержантлар эм офицерлер, бизим Савытлы куьшлердинъ данъкын арттырып, ясуьйкенлер несилининъ аьдет- йорыкларына сенимли болып каладылар.
В День защитника Отечества в республике Дагестан прошли мероприятия по возложению цветов и венков к мемориалам, погибших при исполнении служебных обязанностей сотрудников МЧС.
Шакырув_________________
ДР Кизляр каласында болган оьлтируьвлер мен байланыста Сырт-Кавказ федераллык округындагы РФ Президентининъ толы ыхтыярлы ваькили Олег Белавенцев шакырув эткен.
«Кизлярдагы православие храмында аьдетли байрам дин исин юритуьв аьсери йырткыш негизли кыянатлык пан бузылган, сонынъ сырагысында бир куьнасиз аьдемлер оьлгенлер эм яраланганлар.
Оьз ойын айтады _____________________
Парклар коьп ерлерде бар. Солардынъ биревлери уьйкен, баскалары кишкей, биревлерине тек 20-30 йыл, оьзгелерине 100 яде бир неше юз эм мынъ йыллар да толган. Айтпага, бизге тарихтен бурынгы заманда дуныядынъ 7 аьлеметининъ бириси деп саналган Бурынгы Мессопатамиядагы (Вавилон) Семирамидадынъ (Шаммураматтынъ) илинуьвли бавлары (Висячие сады Семирамиды) белгили. Бу бавлар доьрт яруслы этилинип бек ыспайы курылган. Орманлар, тереклер бир де болмаган кургаклы исси элде оьскен аьлемет ахыр туьрли тереклер мен оьсимликлер салкыны эм ясыллыгы аьдемлерге ушыны ман да дуныядынъ бир уьйкен аьлемети болып коьринген.
Сога усаган мысалларды излеп узак кетуьв керекпейди. Тап сондай сав Ногай шоьллигининъ, дурысында савлайы сырт Дагестаннынъ аьлемети болып саналатаган ер – ол тек ялгыз бизим Терекли-Мектеб авылдынъ Ф.Капельгородский атындагы паркы!
Бизге язадылар__________________
Терекли-Мектеб авыл паркы. Онынъ акында коьп кере язылган эм айтылган. Биз тек бир затты тагы да кайтарып белгилемеге суьемиз: бу парк – ол тек терекли-мектебшилердинъ тувыл, савлай район, аз десе дуныяда шашырап яшайтаган шоьл халкымыздынъ куьези, оьктемлиги болмага керек. Болмага керек… Тек онынъ аьлиги замандагы коьрки эм боьтен де келеектеги бактысы боьтен де район орталыгында тувып-оьскен аьдемлердинъ юрек авырувына айланып барады эм босына тувыл. Сонынъ акында янъыларда редакциямызга район орталыгынынъ яшавшыларынынъ бир куьби язып аькелген хаты аян шайытлайды. Тоьменде соны туьрлендирмей баспалаймыз.
