Баалы йолдаслар!

Биз, «Ногайский район» МО администрациясы эм Депутатлар Йыйыны «Шоьл тавысы» редакциясынынъ ис коллективин ак юректен кеспи байрамы – Россия Баспа куьни мен кутлаймыз. Коьп йыллардан бери газета бетлеринде элимизде, республикамызда, районымызда болатаган политикалык, экономикалык, маданият туьрленислер акында билдирилип келеди. Бу куьн биз газета куллыкшыларына кеспилик усталыгы, аьр бир ис акында акыйкатлыгы ман окувшыга еткерип болувы уьшин разылыгымызды билдиремиз. Биз сизге ден савлык, уьстинликлер, онъайлык, калем астыннан туьрли кызыклы макалалар шыкканын йораймыз.

М. Аджеков, «Ногайский район» МО администрация аькимбасы.

Р. Насыров, «Ногайский район» МО Депутатлар Йыйынынынъ председатели. 

   Соьз - редакторга _______________ 

    Буьгуьнлерде, 13-нши январьде, Россия Баспа куьни белгиленеди, эм ол тарих оьзгериси – Уллы Петр Указы ман негизленген «Ведомости» деген биринши россиялык баспа газетасынынъ дуныя юзине шыгувы ман байланыслы. Уллы Петр газетады реформалар озгарув уьшин куьрес юритуьвде эм Россия империясынынъ уллылыгын беркитуьвде маьнели куьресуьв амалы деп эс берген. 1917-нши йылдан сонъ Россия Баспа куьни дуныя юзине «Правда» биринши совет газетасы шыккан – 5-нши май куьнине коьширилген эм Совет Баспа куьни деп аталып басланган. Тек 1991-нши йылда Россия Федерациясынынъ Оьр Советининъ «Россия Баспа куьни акында» токтасы ман Россия Баспа куьнин байрамшылав 13-нши январь куьнине коьширилген.

    Дагестан Республикасынынъ Сайлав комиссиясынынъ 2017-нши йылдынъ 28-нши декабриндеги 22/164-6 номерли «Участок комиссияларынынъ сыраларынынъ резервлерине косымша кепте киргистуьв уьшин кенъеслер йыюв акында» деген токтасы ман келисли аьлде Ногай районнынъ территориаллык сайлав комиссиясы участок комиссиялар сыраларынынъ резервлерине кенъеслер негизинде косымша кепте киргистеди:

   Туьнегуьн, канътар айынынъ 10-нда, «Ногайский район» МО администрациясына Ногай районы ман экономикалык, маданият, яслар политикасы, туризм, спорт эм баска маьнели яшав тармаклары бойынша тар катнасувларды туьзуьв ниети мен келген Карашай-Шеркеш Республикасынынъ Ногай районынынъ, Ставрополь крайынынъ Кочубей районынынъ, Минераловод районынынъ Канглы авылынынъ эм Нефтекум районынынъ етекшилери, хозяйство эм предприятие басшылары эм ваькиллери бизим район активи мен йолыгыстылар.

      Прокуратурадынъ сыйлы куллыкшылары!

«Ногайский район» МО администрациясы, муниципаллык районынынъ Депутатлар Йыйыны район прокуратурасынынъ куллыкшылар коллективин кеспилик байрамы – Россия Федерациясынынъ Прокуратура куллыкшысынынъ куьни мен ак юректен исси кутлайдылар. Сизге енъил тувыл исинъиз, антынъызга алаллыгынъыз ис борышларды толтырувда йогары яваплылык уьшин бек разымыз. Ызгы заманда биз, прокуратура эм ерли самоуправление органлары ара ямагаттынъ анъ-эдаплык яктан савлыгы акында биргелес каьр шегуьвди арттырув уьшин ийги, конструктивли катнаслар туьзилген. Ак юректен сизге бизим яшавшылардынъ ыхтыярларын эм кызыксынувларын коршалавда янъы ис етимислерди, берк ден савлыкты, онъайлыкты эм наьсипти йораймыз.

    М. Аджеков, «Ногайский район» МО администрация аькимбасы.

    Р. Насыров, «Ногайский район» МР Депутатлар Йыйынынынъ председатели.