Анъ – аьдем янын тербиялавдынъ энъ маьнели кеби болады. Халк анъы – айырым халктынъ миллет эси, миллеттинъ айырым нышаны, несилдинъ несил мен байланысы. Халк эм классикалык анъды бир баска ман да тенълестирип болмаймыз, солардынъ аьр бириси юрекке тийип, эмлев исин де этеди десек, оьтирик болмас. 

«Ногайский район» МО-сындагы КЦСОН-нынъ ясуьйкенлердинъ эм сакат аьдемлердинъ куьндизги ял алув боьлигининъ куллыкшылары, оьзлеринде социаллык буйымлар ман пайдаланатаганлары ман аз куллыклар этпейдилер. Туьрли шаралар аьзирлеп, заманды кызыклы озгармага коьп куьш салады.

Бизим заманда мобильли телефонлар аьр бир аьдемде бар, бес ясындагы балалардан алып эсли тетейлер мен атайларга дейим. Мобильли телефонлар кулланылып басланганлай, бизге бек тыныш болды: тез арада биревге керек билдируьвди еткермеге… Солай ок, сосы телефонлар стресслердинъ себеби де болмага боладылар. Олар бизди парахатлыктан айырадылар. Оннан оьзгелей, мобильли телефонлар ден савлыкка зарарлы. 

2017-нши йылдынъ 20-ншы ноябринде озгарылатаган Савлайроссиялык балаларга ыхтыярлык коьмек куьнин оьткеруьв бойынша шаралар планын яшавга шыгарув ниет пен Ашык капылар куьни оьтти. «Ногайский район» МО-сында КЦСОН официаллык сайтында билдируьв салынган. Ашык капылар куьни Почтовый орамында аьеллерди эм балаларды социаллык яктан аьжетсизлев боьликте озгарылды.

Алдышылыкты алып_______________________________ 

Озган юзйыллыктынъ эллинши йыллары – ногай тарихинде терен ызлар калдырган йыллар, неге десе ногай яслары, кызлары Терекли-Мектеб орта мектебин, Кизляр, Грозный калаларында педучилищеди окып тамамлаган йыллары эди.
1954-нши йыл май айдынъ ызы, июнь айдынъ басы, Терекли-Мектебте етинши классты биткен ногай кызлардынъ арасыннан бир неше кыймас-кызлар медучилищеде окымага, орта билимли медициналык куллыкшылары болмага ниетленедилер. Ногай яслардынъ, кызлардынъ арасында олар медучилищеде окымага талап эткен биринши ногай кызлары. 

Бизим ногай тилимиз – туьрк тиллерининъ энъ бурынгы, шебер, бай, ярасык дегенлерининъ бириси. Аьр бир аьдем оьз юрты ман, тили мен оьктемсип яшамага керек деп ойлайман. Бу куьнлерде туьрк тиллерининъ бир нешевлери оьмирге йойытылып кеткен болса, бизим тилимиз аьли де туры, эм сол баалы тилимизди йойдырмаска шалыскан аьдемлер де, ярдамшылык та йок болса да, савлай неше мынълаган халкымыздан тек бир неше аьдем сол тилди саклав давын юритеди. 

Бу юмадагы аппарат кенъеси ийги хабардан басланды. «Ногайский район» МО администрациясынынъ аькимбасы Мухтарбий Аджеков район орталык китапханалар тармагынынъ директоры Сабират Абубекеровага, Ана куьнин йогары дережеде оьткергени уьшин, оьз разылыгын билдирди. 
Оннан сонъ «Ногайский район» МО администрация аькимбасынынъ орынбасары Баймагомед Ярлыкапов янъыларда Тарумов район еринде Ново-Дмитриевка авылындагы яшавшылар куьби ысланганын билдирди. 

Разылык____________________

Иммунный авыл орта мектебимиз тек янъыларда ябылув аьлинде эди. Мектебтинъ класс боьлмелерининъ йогары майысып, ямгыр явса, тоьбесиннен сув агатаган эди. Мектебимиз ябылаяк деген соравы да каралган эди.

Бизим Куьнбатар авыл яшавшысы Ахмат Оьтеш увылы Янполовка янъыларда 80 яс толды. Ол – согыс балалары несилиннен. (Авылда ога Ахмат деп айтпай, коьбиси Сенька деп айтадылар). Ога не уьшин соьйтип айтувымыз акында хабар тоьменде болар.