Аявлы авылдаслар!
Тувган-оьскен еримизде сав оьмиримиз оьтеди. Ол – бизим дайымлык меканымыз. Ногай районымыздынъ, авылларымыздынъ ишине, кырына коьз салайык. Солардагы кокысты, наслыкты коьрсенъ, юрегинъ авырыйды.
Запись
«Сондай шоьлди мен де суьймей, ким суьйсин»
Джалалдин Магомед улы Шихмурзаев. Меним Ногайымнынъ шынты увылы. Язувшы, аьлим, фольклоршы. Онынъ аты баьрисине де белгили.
Запись
«Мен дайым да халк пан бирге»
Бу юма дуьйсемби куьн «Ногайский район» МО администрациясында РФ Федераллык Йыйынынынъ Государстволык Думасынынъ депутаты, «За Россию!» деп аталган Ортакроссиялык халк фронтынынъ Дагестан Республикасы бойынша боьлигининъ кураторы Умахан Магомедгаджиевич Умаханов пан йолыгыс оьткерилди.
Запись
Иси оьрлиге — оьрмет
Анъ… Ол – онынъ соьйлевинде, юрисинде, юзинде, ойларында…Онынъ тавысы, тавысынынъ анъы илгериликлерге онълайды, ак ниетли иске даьвлендиреди, авырлыктан енъил оьткереди, юрек дертин юмсайтады, ян тоьрин ийги сезимлерге бийлетеди, коьнъиллик сазын арттырады…Мине сондай соьзлер мен айтпага болады хореограф, йырлавшы, Карагас авыл маданият уьйининъ директоры Алимет Борангазиевна Аблезовадынъ йыр йырлав оьнери акында.
Запись
Уста окытувшымыз
Нурманбет Танъатар увылы Зарманбетовтынъ кол усталыгы, оьнери акында бизим районымызда эситпеген, билмеген аьдем йок болса да ярайды. Ол оьзининъ окытувшылык исин Нариман авыл школасында буьгуьнлерге дейим де бардырады. Ол оьз окувшыларын коьп усталыкка уьйретип келеди. Ол оьз окувшылары ман катнасатаган шаралар, алатаган орынлар, етисетаган уьстинликлер акында айтатаган болсак, заман да, орын да етпеске болады.
Запись
Илми дуныясында янъылык
«Сынтаслар. Ногай шоьлинде камыр казыклар» деген китаптинъ баспадан шыгувы илми дуныясында янъылык эсабында болды демеге керек. Ол – ногай эпиграфика бойынша биринши излев-актарув куллык.
Запись
Ак ниетли аьрекет
Ногай район администрациясында яслардынъ регионаллык ямагат козгалысынынъ «Защитное лесонасаждение Ногайской степи» проектин яшавга шыгарылувынынъ барысы ойласылув ман кенъес озгарылды.
Запись
Ногайымнынъ оьктемлиги эм данъкы
Аьр халктынъ маданиятынынъ тарихинде бар аьдемлер оьз аты ман халк оьктемлигин эм данъкын арттыратаган. Ногайлар арасында сондай белгили аьдемлердинъ бириси – биринши кеспили суьвретши Сраждин Самединович Батыров.
Запись
Гражданлар аьр саьли куьн кабыл этилинееклер
ДР Оькиметининъ распоряжениеси мен (№28-р, 26.01.2016 й.) етекшиленип эм яшавшылардынъ аьризелери мен куллык этуьвдинъ пайдалыгын арттырув, «Ногайский район» МО-сынынъ ерли само-управление органларынынъ куллыгы акында яшавшылар толысынша билсин уьшин аьр саьли куьн «Ногайский район» МО етекшилиги мен гражданларды кабыл этуьв бирлик куьни – ашык эсиклер куьни деп токтастырылган.
Запись
Согыс ветеранына — сый
Янъыларда «Ногайский район» МО администрация аькимбасынынъ куллыгын юритуьвши Рашид Шангереев эм Районнынъ согыс, ис эм Савытлы куьшлер ветеранлар советининъ председатели Акманбет Сангишиев, Куьнбатар авылынынъ сыйлы ясуьйкени, Уллы Аталык согысынынъ ветераны Шамшид Шуваковтынъ уьйинде болып, оны 94 яска толувы ман кутладылар, Сый грамота, баалы савкат эм акшалай савга тапшырдылар. Сыйлы агай келгенлерге разылыгын билдирди, район активистлери онынъ уьйинде конак эсабында тез-тез болатаганын белгиледи.
