2017-нши йылда Казахстан Республикасынынъ Астана каласында коьшпели маданиятынынъ, халклар ара аьдетли анълы Nomad Way фестивали озган. Бу йыл Nomad Way фестивали 22-24-нши июньде – уьш куьн бойынша, Есиль йылга ягасында уйгынланган. Фестивальде: Казахстан, Венгрия, Башкортостан, Кыргызстан, Тува, Бурятия,Турция, Алтай, Таджикистан, Якутия, Эстония Республикаларыннан келген Ethno-world жанрда йырлайтаган йырлавшылар катнасканлар.
Бу фестиваль Казахстан Республикасынынъ маданият министерствосы эм Спорт Министерствосы аркалы озган, ол Астана каласынынъ 20 йыллык мерекесине багысланган. 

Янъыларда Махачкалада «Айлы яга» тыншаюв комплексининъ негизинде «Хатын – татымлык эм танълык белгиси» деп аталган Республикалык фестиваль оьтти. Белгиленген шарады ДР Муфтиятында Ярыкландырув боьлиги, ДР Намыс эркинлиги, дин организациялары ман биргелес аьрекет этуьв бойынша комитетининъ коьтергишлеви мен эм ДР маданият министерствосы уйгынладылар. 

     Ногайлардынъ энъ де белгили касиетлерининъ бириси – куллыксуьерлик эм уялшанълык. Бу ийги касиетлер Альфира Менлигуловна Кумратовага келисли. Ол бизим белгили ердеслеримиздинъ язув сыдыраларын толтырган аьдем де болады. 

     Савлай оьз яшавын тувган ерине, онынъ эм авылдасларынынъ онъайлыгына багыслаган аьдемлер акында хабарламага бир яктан енъил, бир яктан кыйын болады. Тыныш дегеним, ондай аьдемлердинъ эткен яхшы ислери коьп, оларды оьктемсип эсимизге аламыз, ясларга уьлги этип саламыз, кыйын дегеним, баьриси де эске келмей, белгиленмей калып коймасын деп тынышсызланасынъ.

Дагестан Республикасынынъ прокурорынынъ «Коьлем информация амаллары ман биргелес ислеви акында» буйрыгынынъ (16.07.2013й. №83/40) 4-нши пунктын толтырув ниет пен 11801820033000036-ншы номерли уголовлык иси бойынша район прокуратурасы РФ Уголовлык кодексининъ 264.1 статьясына коьре, А. гражданинине каратылган куьналев акты салынган.

Янъыларда «Ногайский район» МР администрациясында «Яз мезгилинде балалар уьшин савландырув тыншаювды уйгынлав акында» деген сорав ортага салынып ойласылды. Онда белгиленгенлей, «Балалардынъ тыншаювын эм савланувын уйгынлавды патшалык яктан онълавда РФ-нынъ айырым законодательлик актларына туьрленислер киритуьв акында Федераллык Законын (28.12.2016 й., №465-ФЗ) яшавга шыгарув мырадта айырым куллык юритиледи. Язгы мезгилинде балалардынъ тыншаювын, савланувын уйгынлав бойынша билим учреждениелер етекшилери мен кенъеслер, педагогикалык куллыкшылары уьшин семинарлар озгарылган.