«Ногайский район» МО администрациясында йыйын болып озды. Сол йыйын алдында районы бойынша учреждениелер куьзги-кыскы сувыкларга аьзир ме, Ногай районы бойынша ОМВД-дынъ ГИБДД куллыкшылары ман йол-юрис кавыфсызлыгын тергев комиссиясынынъ биргелес аьрекети, РФ Президентининъ Май Указларынынъ толтырылувы акында деген соравлар салынган эди. Сол соравлардынъ аьр бириси бойынша эртеректен беркитилген яваплы аьдемлер шыгып соьйледилер.
Антитеррор_____________________________________________________________
Айдынъ басында Махачкала каладынъ касында орынласкан Тюбе авылында «Сарыкум Бизнес Отель» меканында «Терроризм идеологиясы: таралтув эм таралтувга карсы турув. Аьлиги заманнынъ соравлары» деген тема бойынша IV регионлар ара илми-практикалык конференция озгарылды.
Конференция____________________________________
Оьткен каты куьн Ногай район маданият уьйинде быйыл язда болган V Савлайроссиялык ногай халкынынъ курултайынынъ сырагыларына багысланган конференция болып озды.
Сонынъ исинде РФ туьрли регионларында яшайтаган эм ислейтаган халкымыздынъ ваькиллери ортакшылык эттилер.Конференцияды онынъ катнасувшыларына каратылган саламлав соьзи мен соны уйгынлав комитетининъ председатели Рустам Адильгереев ашты.
Тоьгерек стол____________________________________________
Керек эди ме бизге революция, бизим халкымызга сол кайдай пайда яде болса, зарар аькелди ме? – деген соравлар берилип, Ногай район орталык китапханасында тоьгерек стол уйгынлы оьтти. Тоьгерек стол бойынша белсен катнастылар ясуьйкенлер: Ш.Мунгишиев, Э.Саитов, З.Аджибаев, Т.Акбулатов, А.Сангишиев, О.Мемеков, тарихшилер: А.Межитов, Е.Биймурзаева, ерли музей етекшиси К.Бальгишиев, «Ногайский район» МР Депутатлар Йыйынынынъ председатели Р.Насыров, «Яслык» яслар орталыгынынъ етекшиси С.Сарсеев.
Мереке_____________________________________________________
Янъыларда район маданият уьйинде политикалык аьрекетшиси Казмагомед Зейнадин увылы Янбулатовтынъ тувган куьнине багысланган шара озгарылды. Сол шарада район учреждениелерининъ куллыкшылары, Карашай-Шеркеш Республикасыннан конаклар, республикамыздынъ авыл хозяйство бойынша министерство ваькили эм К.Янбулатовты сыйлаган йолдаслар ортакшылык эттилер.
Конкурс___________________________________________________
Янъыларда район администрациясында «Ногайский район» МР администрациясында вакантлы ис орынлардагы куллыкшылардынъ ис борышларын толтырувга аьдемлер салувга конкурс озгарув акында сорав ортага салынып ойласылды.
«Ногайский район» МР депутатлары______________________
2017-нши йылдынъ караша айынынъ 23-нши куьнинде 10 саьатте «Ногайский район» МО администрациясында Дагестан Республикасынынъ «Ногайский район» МР Депутатлар йыйынынынъ 12-нши кере шакыртылган кезекли сессиясы озгарылаяк.
Онынъ ис куьнделигинде тоьмендеги соравлар каралаяклар:
1. ДР «Ногайский район» муниципаллык туьзилисининъ Уставын кабыл этип алув.
2. «Ногайский район» МО администрациясынынъ муьлк реестри акында.
3. Туьрли соравлар.
Р.Насыров, «Ногайский район» МР Депутатлар йыйынынынъ председатели.
Кызыклы шара __________________
Бу йылдынъ 4-нши ноябрь айында Сургут каласынынъ Ногай ясларынынъ союзы баска миллет ямагатлык организациялары ман бирге Россия халк бирлигининъ куьнине багысланган «Сургут – бизим ортак уьйимиз» деген каладынъ маданиятлык орталыгынынъ проекти бойынша шарада ортакшылык эттилер.
Россия Федерациясынынъ Оькимет комиссиясынынъ «Россия Федерациясында тегин юридический коьмеги акында» Федеральлик законын (21.11.2011 й., № 324) яшавга шыгарув соравлары бойынша токтастырувы ман келисте 2017-нши йылдынъ 20-ншы ноябринде Балаларга правовой коьмек этуьв Савлайроссиялык Куьн озгарылаяк.
Йогарыда айтылган ман келисте 2017-нши йылдынъ 20-ншы ноябринде «Ногайский район» МО администрациясында Ашык эсиклер куьни озгарылады, солай ок консультативлик эм юридический коьмек этилуьв мен гражданлар кабыл этилинееклер.
Бу шарадынъ бас туьркимлери: олар – оьксиз балалар эм ата-ана яктан каьрлевсиз калган балалар, солай ок олардынъ законлы ваькиллери, оьз аьелине ата-анасыз калган балады тербияламага алмага суьйгенлер.
Телефонлар: 8(8722) 55-33-40; 8928-516-22-16.
