Республикамыздынъ Тарумов районынынъ Ново-Дмитриевка авылынынъ яшавшысы, аьлиги заманда арамыздан кеткен Зейнадин Шугаипов оьз заманында белгили ногай шаири Амзатхан ман (ога сол заманда солай деген болыптылар) бирге окыган, бирге оьскен, бирге ойнаган эм шатлык яслык куьнлерин бирге йиберген. Маьнеси – мектебте 10-ншы классты бирге битиргенлер. Айтып озайык, Амзатхан (Гамзат Аджигельдиев) сав оьмири Зейнадин мен байланыс туткан....
Бу куьнлерде россия аьскершиси тувган элининъ тынышлыгын эм ийги данъклыгын саклавда турады. Олар болган шаклы, биз де рахатлыкта яшаймыз эм олардынъ эткени мен оьктемсип турамыз. Аьлиги заманларда согыс спецоперациясында коьплеген аьскершилер катнасадылар, сол санда кайсы ерде яшайтаган ногай ясларымыз да бар. Янъыларда Нефтекум районынынъ Тукуй-Мектеб авылында согыс спецоперациясынынъ катнасувшысы Динислам Самутов пан йолыгыс болып озды....
Аьел – инсаннынъ яшавында энъ де маьнели, энъ де киели. Аьелдинъ ийги деген баалыкларынынъ бириси аьел аьдетлери болады. Анъламлык, бир бирисине сенимлик, тувган аьдемлери акында каьр шегуьв, ортак суьйинишлер – аьр бир аьелдинъ негизи. Мунда сени суьедилер эм куьтедилер. Узактан уьйге кайтув – уьйкен куваныш. Мага коьре, аьелдинъ бас баасы – сенимлик. Сол сезим бар...
Ногай шоьллиги бурыннан бери сулыплы малшылардынъ эм оьрленген койшылыктынъ ери деп саналган. Соны ман бирге тек ногай тувыл, ама аталык малшылыктынъ айтылган эм данъклы етимиси – алдынгы совет йылларында Ногай районымыздынъ эм Дагестаннынъ оьктемлиги болатаган «Грозненский меринос» деген йибек юнли койлар эдилер.
Буьгуьнлерде элимизде, республикамызда эм сонынъ санында Ногай районымызда ясларды Россия Армиясынынъ сырасына куллык этуьвге язлык шакырув кампаниясы бардырылады. Бу маьнели эм яваплы ис бойынша оьз ойын эм Тувган Элди коршалавшылар сырасына кетип бараяткан ясларга ийги йоравларын Дагестан Республикасынынъ Халк Йыйынынынъ депутаты, КПРФ Ногай РК 1-нши секретари Мурзадин Авезов айтты.
Уьстимиздеги йылдынъ навруз айынынъ ызында ДР Халк Йыйынынынъ алдында иш ислер министри Абдурашид Магомедов, 2022-нши йыл тамамларын келтирип, полиция аьрекети бойынша эсап берди. Сол эсап бойынша мундай билдируьвлер де этилдилер: «Оьткен йылдынъ карагыс айында Махачкала япсарларында, доьрт ерли яшавшылар биргелесип, террористлик куьп туьзгенлер. Олар «Азов» атлы украиншы националистлер биригуьви мен (бу куьп законга карсы туьзилген)...
Аьлиги заманда биз баьримиз де Украина еринде специальли согыс операциясында катнасатаган ясларымызды коьтергишлеймиз. Сол да сейир тувыл, сонда бизим ердеслеримиз де аз тувыл. Мен, Уйсалган авылында тувган эм оьскен инсан, авылымнынъ кеделери де сонда катнасканына оьктемсиймен. Солардынъ ишинде – оьз янын берген Арифулла Байрамов, онынъ йигитлиги аьр дайым бизим эсимизде калаяк. Буьгуьнлерде СВО сырасында авылда...
Власть органларынынъ согыс ветеранларынынъ маьселелерине эс этуьви Уллы Аталык согысында элимиздинъ бойсынмаслыгын коршалавшыларга сый этуьви мен байланыслы аьрекетининъ бир барысы болады. Дагестан Республикасынынъ Аькимбасы Сергей Меликовтынъ тапшырувы ман, согыс ветеранларына ярдам этуьв ниет пен бир кере берилетаган тоьлевге 7 миллион 560 мынъ маьнет акша шыгарылган, аьр бир ветеранга 360 мынъ маьнет акша берилеек. Сондай токтас...
Ногай районында йолларга асфальт тоьсев иси тамамланган. Соны ман, «Меним Дагестаным, меним йолларым» программа бойынша район орталыгы Терекли-Мектебтинъ Северная, Садовая, Муса Курманалиев, Иса Капаев эм Батыров атындагы орамлар йолларына асфальт тоьселген. Садовая орамнан баскалары – транзит йоллар: муннан коьп коьликлер оьтеди, аьдемлер юрислери де аз тувыл. Северная, Суюн Капаев эм Батыров атындагы орамлар, транзит йолынынъ...
24-нши май айында «Шоьл тавысы» республикалык газетасынынъ бас редакторы Эльмира Кожаева, журналистлери Гульфира Бекмуратова, Галима Курганова эм Магомет-Али Ханов Махачкаладагы «Россия – меним тарихим» деген Тарих паркында Расул Гамзатовтынъ йылына багысланып оьткен «Инфорум» билимлендируьв шарасында ортакшылык эттилер.
