Миллет газетамыздынъ оьмиринде соны дуныя ярыгына шыгарувда совет заманында эм оннан сонъгы йылларда редакция журналистлери мен бирге коьп авыл хабаршылары да катнасканлар. Олар, согыс ветеранлары: Карагастан – Коьшманбет Кидирниязов, Карасай Сатыров, Тереклиден – Кельдимурат Койлакаев, Асан Межитов, ис ветеранлары: Батыр-Мурзадан – Аминат Сариева, Червленные Буру- ныдан – Кульчиков, Сыдыйык Муталимов, Кумлыдан – Эсманбет Абдуллаев, Оьзбек...
Буьгуьн 12-нши июньде савлай элимиз энъ маьнели патшалык байрамы – Россия куьнин белгилейди. Сол куьн бизим уьйкен коьпмиллетли элимиздинъ яшавшыларынынъ юреклерин оьзлерининъ уллы Тувган Эли уьшин айырым оьктемлик бийлейди. «Патриотизм, Аталыгымыздынъ бактысы уьшин яваплыкты бизге уллы ис эм согыс енъуьвлерине етискен ата-бабаларымыз оьсиет этип кеткенлер. Аьлиги заманда биз олардынъ етимислери, дайымлык тыпаклыгы, тувган еримизди коршалавга...
Россия халклар тиллерининъ куьнин токтастырув акында баславын хош коьрип, яшавга шыгарылганы маьнели оьзгериске айланаягы шек тувдырмайды. Онынъ оьзгерисли маьнелиги сол: байрам Дагестаннынъ халк шаири Расул Гамзатовтынъ тувган куьни – 8-нши сентябрьде белгиленеек. Мен билип, Расул Гамзатов атындагы Дагестан педуниверситети Россия эм Дагестан халклар тиллерин саклав эм армаган оьрлендируьв мен байланыста йыл сайын коьп туьрли шаралар...
ДР-нынъ Информация эм баспа агентствосынынъ етекшиси Арсен Юсупов РФ Президенти Владимир Путиннинъ Россия Халклар тиллерининъ Куьнин токтастырув акында маслагатын хош коьрди эм соны ман байланыста оьз ойлары ман боьлисти. Онынъ соьзлерине коьре, РФ Президенти Россия халклар тиллерининъ куьнин токтастырув бойынша баславы – элимиздинъ маданият туьрлилигин саклавга керекли эм маьнели абыт, дагестанлыларга болса, байыр калымжасын саклав...
РФ Президенти Владимир Путин орыс тилин эм Россия халкларынынъ тиллерин колтыклав ман бай- ланыста патшалык программады яшавга шыгарув бойынша Совет кенъесининъ барысында Россия- да Дагестаннынъ халк шаири Расул Гамзатовтынъ тувган куьни – 8-нши сентябрьде Россия халклар тиллерининъ куьнин токтастырмага маслагат берди. ДР-нынъ «Дагестан» Этномедиахолдинг ГБУ етекшисининъ куллыгын юритуьвши Абдуразак Джа- малутдинов Владимир Путиннинъ баславы бойынша...
Авыл еринде медицина куллыкшысынынъ кесписи – энъ сыйлы эм керекли кеспилерининъ бириси. Сол кеспи ян йылувлыкты, сахыйлыкты, уьйкен шыдамлыкты талаплайды. Тек шыдамлы, сезгир, юре- ги ашык аьдемлер сол кеспиге алаллыгы ман баскаланадылар. Бир кере бирев булай деп айткан: «Медициналык куллыкшысы – ол аяксыздынъ аягы, колсыздынъ – колы, сокырдынъ – коьзи, сакавдынъ – авызы, осалдынъ –...
Аьдетке кирип, кырк йылдан артык заман, календарь бойынша, июнь айынынъ уьшинши каты куьнинде, Россияда медицина куллыкшысынынъ кеспи байрамы белгиленеди. Бу куьн биз уьйкен разылыгымыз бан медицина куллыкшыларынынъ аьрекетин белгилеймиз, оьзимиздинъ ийги соь- злеримизди оларга багыслаймыз. Буьгуьн бизим баьри соьзимиз де медицина куллыкшыларына: коь- плеген йыллар аьдем савлыгын саклав уьшин куьрес юриткенлер, тек янъыларда ис аьрекетин...
Янъыларда Ногай районынынъ Терекли-Мектеб авылынынъ халк яратувшылык орталыгында «2025-нши йылдынъ шоьл тавыслары» деген яс вокалшыларынынъ район бойынша ярысы уйгынланып озды. Сраждин Батыров атындагы сол балалар саният мектеби мен уйгынланган район ярысында Ногай районынынъ туьрли авылларыннан 12 катнасувшылары орыс эм ногай тилинде йырларын йырлав оьнерлери мен сынастылар. Вокалшылардынъ йырлавларына Дагестаннынъ ат казанган маданият куллыкшысы, Сраждин Батыров...
Уьстимиздеги йылдынъ тамбыз айынынъ 1-нши куьнинде Халклар ара балаларды коршалав куьнине багысланып, Ногай районынынъ Терекли-Мектеб авылында Ногай халк патшалык саз алатлар язгы клубынынъ алдында «Балалык – ол биз!» деген ярык маданият-спорт шарасы йогары коьнъилде уйгынланып озды. Эртеннен алып районнынъ яс яшавшыларына шынты байрамды сезбеге амаллары болдылар. Шара Терекли-Мектеб авыл администрациясынынъ аькимбасы эм балалар уьшин байрамнынъ...
Янъыларда Ногай район социаллык куллыкшылары оьз кеспи байрамын белгиледилер. Танълыгын аямай савкатлайтаганлар уьшин ян йылувлыкка эм коьнъил коьтерилиске толган шара «Абдулла» банкет залында оьтти. Мунда социаллык куллыкшыларын кутламага «Аталыкты коршалавшылар» патшалык фондынынъ филиалынынъ етекшисининъ орынбасары Рамиз Магомедов, Ногай рай- он аькимбасынынъ орынбасары Рашид Шангереев, ДР Ямагат палатасынынъ агзасы, район Хатын-кызлар советининъ председатели Асият Манкаева, Кумлы...
